टोमराज मेहता
इनरुवा । नेपाली कांग्रेसको तर्फबाट इनरुवा नगरपालिका मेयरका प्रत्यासी उम्मेदवार केदार भण्डारीले कृषि क्षेत्रलाई बढी जोड दिएका छन् । घरदैलो अभियान कार्यक्रमलाई निरन्तरता दिदैँ भण्डारीले कृषि सहित स्वास्थ्य क्षेत्रलाई बढी जोड दिएका हुन् ।
नेपाली कांग्रेसको तर्फबाट इनरुवा नगरपालिकाका मेयर पदका प्रत्यासी उम्मेदवार भण्डारीले नेपाली कांग्रेसका उम्मेदवारलाई बिजयी बनाए समृद्ध नगरको परिकल्पना गर्न सक्ने गरी नगरको विकास गरेर छाड्ने उनले प्रतिवद्धता व्यक्त गरे ।
इनरुवा नगरपालिकाभित्र सुविधा सम्पन्न अस्पताल बनाउनका लागि आपूm कठिवद्ध रहेको भण्डारीले बताएका छन् । घरदैलो अभियान कार्यक्रमलाई सम्वोधन गर्दै मेयर पदका प्रत्यासी भण्डारीले कृषि क्षेत्रमा आमूल्य परिवर्तन गर्नका लागि आफ्नो उम्मेदवारी रहेको बताउँदै नगरका किसानलाई समयमै मल बिउँ उपलब्ध गराउने, सिचाईको राम्रो प्रवन्ध मिलाउने, किसानको खेत खेतमा सिचाई पुर्याउनका लागि बिजुली सहितको बोर्डिङ्गको व्यवस्था गर्ने प्रतिवद्धताका साथ अहिले चुनावी प्रचार प्रसारलाई तीव्रता दिएका हुन् ।
नेपाली कांग्रेसले झुठो बोल्दैन,उनले भने, ‘चुनावी अभियानको क्रममा बोलेको सबै कुरा पूरा गर्छु । त्यसैले नेपाली कांग्रेसका उम्मेदवारलाई अत्यधिक मत दिई बिजयी बनाउनुपर्छ । इनरुवा सबैभन्दा पुरानो नगरपालिका हो, नगरपालिका जस्तो अनुभूति भएको छैन् । नगरपालिका जस्तो बनाउनका लागि एक पटक नगरबासीले कांग्रेसको चुनाव चिन्ह रुख छापमा मतदान गरी बिजयी बनाउन आवश्यक छ ।
नेपाली कांग्रेसले प्रतिवद्धता पत्र पनि सार्वजनिक गरिसकेको छ । नेपाली कांग्रेसले जनतामाझ पूरा गर्ने कुरा मात्र प्रतिवद्धता पत्रमा सार्वजनिक गरेको छ उनले भने ।
इनरुवामा राम्रो कलेजको स्थापना गर्ने, नगरबासीलाई निःशुल्क स्वास्थ्य बिमा गराउने, बालबालिकाको उच्च शिक्षाका लागि निःशुल्क अध्ययन अध्यापन गराउने, इनरुवा नगरमा व्यवस्थित बस्ती निर्माण गर्ने, नगरमा बस्ने गरी नगरपालिकाको अनुभूति गराउने लगायतका कुरामा नगरबासीको बाँच्ने पाउने अधिकारलाई कुण्ठित नहुने गरी काम गर्ने भण्डारीले बताएका छन् ।
नगरबासीको सेवामा समर्पित रहने गरी काम गर्ने छु, उनले भने,‘सेवा सुविधा लिन आएको होइन्, अधिवक्ता पेशा छाडेर आएको हुँ । जनताको सेवा गर्नु मेरो प्रमुख धर्म हो । एक पटक इनरुवा नगरपालिकामा मेयर, उपमेयर, वडाध्यक्ष र सदस्यहरुलाई बहुमतका साथ कांग्रेसका उम्मेदवारहरुलाई बिजयी गराउन नगरबासीहरुले सफल भएमात्र समुन्नत नगरको विकास सम्भव हुन्छ ।’
नेपाली कांग्रेसको तर्फबाट उम्मेदवार भएका भण्डारीले मेरा बिरुद्धमा बिभिन्न प्रोपकण्डा अपनाएर अफवाह फैलाईलरहेको बताएका छन् । त्यसैले मेरा बिरुद्धमा अरु पार्टीबाट उम्मेदवारी दिएका छन् । ती व्यक्तिहरु यहाँ जन्मेका पनि होइन्, बसोबास पनि गर्दैन्, चुनावको बेला टिकट लिएर आउने त्यसपछि जित्यो भने मोजमस्ती गर्ने र हारे भने डेराडण्टा लिएर भाग्ने केही साथीहरु चुनावी मैदानमा आएकोले मतदाताहरुलाई होस पुर्याएर मतदान गर्न पनि उनले अनुरोध गरेका छन् । कांग्रेस पार्टी खबरदारी गर्ने पार्टी हो ,उनले भने,‘जनता भनेको मालिक हो, हामी मलिक बन्न आएको होइन् । जनताको सेवा गर्न आएका हौं । त्यसैले नेपाली कांग्रेसको टिमलाई बिजयी गराउनु पर्छ ।
