टोमराज मेहता
इनरुवा । नेपाली कांग्रेसका युवा नेता डा.अबुल हुसेन अन्सारीले स्थानीय तहको निर्वाचनका लागि सुनसरीका १२ वटै स्थानीय तहमा चुनावी प्रचार प्रसार समाग्री हस्तान्तरण गरेसँगै काठमाण्डौंमा पनि समाग्री हस्तान्तरण गरेका छन् ।
नेपाली कांग्रेसको तर्फबाट काठमाण्डौं भित्रका पालिकाहरुमा उम्मेदवार बनेकाहरुलाई सो प्रचार प्रसार समाग्री डा. हुसेन अन्सारीले हस्तान्तरण गरेका हुन् ।
स्थानीय तहको निर्वाचन हुन केही दिन मात्र बाँकी रहेकाले कांग्रेसका उम्मेदवारहरुलाई प्रचार प्रसार गर्नका लागि सहज हुने उद्देश्यका साथ सुनसरी जिल्ला पछि काठमाण्डौंका सो समाग्री हस्तान्तरण गरेका हुन् ।
नेपाली कांग्रेसको तर्फबाट काठमाण्डौं महानगरपालिकाको मेयर पदका प्रत्यासी उम्मेदवार सिर्जना सिंह, बुढानिलकण्ठ नगरपालिकाको मेयर पदका प्रत्यासी उम्मेदवार बिनोद चालिसे,बुढानिलकण्ठ नगरपालिका वडा नम्बर–२ का वडाध्यक्ष पदका उम्मेदवार र ललितपुर महानगरपालिका मेयर पदका प्रत्यासी उम्मेदवार चिरीबाबु महर्जनलाई कांग्रेसको चुनावी प्रचार प्रसार समाग्री हस्तान्तरण गरिएको कांग्रेसका युवा नेता डा. हुसेन अन्सारीले जानकारी दिएका छन् ।
नेपाली कांग्रेसका युवा नेता तथा नेपाली कांग्रेस युवा प्रचार नेटर्वक उपसमितिका केन्द्रीय सदस्य डा. अबुल हुसेन अन्सारीले सुनसरीका १२ वटै स्थानीय तहमा नेपाली कांग्रेसका उम्मेदवारहरुलाई समाग्री वितरण गरेर काठमाण्डौं फर्किए लगतै काठमाण्डौं, ललितपुर, बुढानिलकण्ठ पालिकाहरुका प्रत्यासीहरुलाई भेटेर सो प्रचार समाग्री वितरण सँगै जितको अग्रिम बधाई तथा शुभकामना समेत व्यक्त गरेका छन् ।
