इनरुवा । नेपाली कांग्रेसका युवा नेता तथा नेपाली कांग्रेस युवा प्रचार नेटर्वक उपसमितिका केन्द्रीय सदस्य डा. अबुल हुसेन अन्सारीले मुस्लिम धर्मावलम्बीहरुको महान चाडपर्व इद उल फित्रको अवसरमा शुभकामना व्यक्त गरेका छन् ।
मुस्लिम धर्मावलम्बीहरुको महान चाड पर्व इद उल फित्रको अवसरमा सम्पूर्ण नेपाली मुस्लिम दिदीबहिनी तथा दाजुभाइहरूमा सुख, शान्ति र समृद्धिका लागि शुभकामना व्यक्त डा. अन्सारीले व्यक्त गरेका हुन् ।
एक महिना लामो उपवास अन्त्य गरी आत्मिक शुद्धता गर्ने र आफन्तबीच खुसी साटासाट गरी मनाइने ईद उल फित्र मुस्लिम समुदायको महत्वपुर्ण पर्व हो ।
आपसी सद्भावको पर्वका रूपमा मनाइने ईदले सबै नेपालीबीच बन्धुत्वको भावना अझ बढाउन मद्दत पुगोस् भन्ने कामना सहित सहित हर्ष उल्लासका इद उल फित्र पर्व मनाइरहेको उनले बताए ।
विभिन्न धर्म र संस्कृतिमा आधारित यस्ता पर्वहरू हाम्रो राष्ट्रिय एकता, पारस्परिक सद्भाव र सहिष्णुताका पहिचानका रुपमा स्थापित भएको उनले एक वक्तब्य जारी गर्दै यसो बताएका हुन् ।
विगतका हरेक लोकतान्त्रिक आन्दोलन र प्रतिगमन विरुद्ध संघर्षमा नेपाली मुस्लिम समुदायको महत्वपूर्ण योगदान रहंदै आएकोले आर्थिक सामाजिक विकासलाई अगाडी बढाउँदै समाजवाद निर्माण गर्ने अभियानमा मुस्लिम समुदायबाट पुर्ण सहयोग रहने समेत उनले प्रतिवद्धता व्यक्त गरेका छन् ।
‘इद उल फित्र’ पर्वले सम्पूर्ण जातजाति तथा धर्मावलम्बीहरुमा सौहाद्रता र राष्ट्रिय एकताको भावना अझै मजबुत बनाउन प्रेरित गर्न सदैव लागि पर्ने उनको भनाई छ । मुस्लिम समुदायको महान चाडपर्वको रुपमा रहेको इद उल फित्र आज देशभरकै मुस्लिम समुदाय हर्ष उल्लासका साथ मनाईरहेका छन् ।
मुस्लिम समुदायले एक आपसमा खुशी साटासाट गर्ने, नयाँ लुगा लगाई इदगाहा र मस्जिदमा आज बिहान प्रार्थना गरी खानपान गर्ने प्रचलन समेत रहेको छ । यस पर्वको अवसरमा नेपाल सरकारले आज सार्वजनिक बिदा समेत दिइएको छ ।
