इनरुवा । सुनसरीको इनरुवा नगरपालिकाको मेयर पदमा लोकतन्त्रिक समाजवादी पार्टीबाट चुन्नी खातुन उम्मेदवार बनेकी छिन् । बैशाख ३० गते हुने स्थानीय तहको निर्वाचनका लागि इनरुवा नगरपालिकाको मेयर पदमा उम्मेदवारी बनेपछि उनको लोकप्रियता मतदताहरुमाझ बढ्दै गएको छ ।
लोकतान्त्रिक समाजवादी पार्टीले इनरुवा नगरपालिकाको मेयर पदमा चुन्नी खातुनलाई उम्मेदवारी बनाएपछि अहिले उनी मतदाताहरुमाझ बिभिन्न एजेण्डाहरु लिएर घरदैलो अभियानमा व्यस्त बनेकी छिन् ।
इनरुवा नगरपालिकाको मेयर पदमा नेपाली कांग्रेस, नेकपा एमाले, जनता समाजवादी पार्टी लगायतकाले मेयर पदमा पुरुष उम्मेदवारलाई अघि सारिएपनि लोकतान्त्रिक समाजवादी पार्टीले महिला नेतृ चुन्नी खातुनलाई अघि सारेपछि मतदाताहरुको मोह उनीप्रति दिनप्रतिदिन बढ्दै गएको छ ।
“एक पटक योग्य, शिक्षित महिलालाई मेयरमा मौका देऔं” भन्ने नारा दिएर अहिले मेयर पदका प्रत्यासी उम्मेदवार खातुन अहिले मतदाताहरुको घरदैलोमा पुगेर लोसपाको चुनाव चिन्ह साइकल छापमा मतदान गरी महिला उम्मेदवारलाई बिजयी गराउनका अपिल गरिरहेका छन् ।
लोसपाबाट इनरुवा नगरपालिकाका लागि मेयर पदमा प्रत्यासी उम्मेदवार खातुनले आप्mनो चुनावी प्रतिवद्धता पत्र समेत सार्वजनिक गरेकी छिन् । खातुनले चार संकल्प सहितको प्रतिवद्धता पत्र मतदाताहरु मझ सार्वजनिक गरेकी हुन् ।
स्वास्थ्य, शिक्षा, सामाजिक सुरक्षा तथा सुशासन, सबल समुन्नत पुर्वाधार, सबल युवा,स्वावलम्बी महिला तथा सृजनशिल नगरबासी, स्वच्छ सफा, दिगो पर्यावरण तथा सुरक्षित शहर र संस्कृति,सम्पदा, सदभाव र सम्भयता सहितको चार संकल्प लिएर चुनावी मैदानमा उत्रिएका छिन् ।
खातुन मेयर पदमा र दिपलाल सिंह खवास उपमेयर पदमा उम्मेदवार बनेर चुनावी अभियानलाई तीव्रता दिदैँ आप्mनो पक्षमा मतदान गरीदिन र एक पटक नगरबासीको सेवा गर्न मौका प्रदान गरीदिनका लागि नगरबासी समक्ष अपिल गरेका छन् ।
लोसपाबाट महिलालाई अवसर प्रदान गरेकोले अहिले उनी इनरुवा नगरपालिकामा चर्चा बनेसँगै महिलाहरु समेत उनकै पक्षमा मतदान गर्ने भएकी छिन् । इनरुवाको १० वटै वडामा प्रचार प्रसार गरेपछि नगरबासी समेतले उनीलाई रुचाएकी छिन् । काम गर्ने सक्षम महिला नेतृ खातुनले सामाजिक कार्यसँगै मानव अधिकारकर्मी समेत हुन् ।
नगरपालिकामा काम गर्ने अनुभव समेत बटुलेकी नेतृ खातुनले यही बैशाख ३० गते हुन गइरहेको स्थानीय तहको निर्वाचनमा मन,मत र माया गरेर साइकल छापमा मतदान गर्नका लागि नगरबासीलाई अनुरोध गरेकी छिन् ।
यसैगरी लोकतान्त्रिक समाजवादी पार्टीबाट इनरुवा नगरपालिका वडा नम्बर–१ को वडाध्यक्षमा मनोज साह, इनरुवा–४ को वडाध्यक्षमा बौवालाल मेहता, इनरुवा–६ को वडाध्यक्षमा तेज नारायण चौधरी, इनरुवा–८ को वडाध्यक्षमा रामदेव मेहता र इनरुवा–१० को वडाध्यक्षमा जलाउद्धिन मियाँलाई समेत साइकल छापमा मतदान गर्नका लागि खातुनले मतदातातहरुलाई अनुरोध गरेकी छिन् ।
