सुकदेब चौधरी
सुनसरी । स्थानीय तहको निर्वाचनमा नेपाली काँग्रेस पार्टीबाट टिकट नपाए पछि बागी उमेदवारी दिएका रामधुनी न.पा. वार्ड नं. ८ का स्वत्रन्त्र उमेदबार गणेश बहादुर पौडेलको शंकास्पद रुखमा झुण्डिएरको अवस्थामा शव फेला परेको छ ।
बागी स्वतन्त्र उमेदवारको रुपमा उमेदवारी दिर्ई निर्वाचन आयोगबाट चुनाव चिन्ह कैची छाप पाए लगतै मतदाताको घरदैलामा प्रचार प्रसार गर्न जुटिए संगै केहि दिनको विभिन्न तनाव सगै शनिवार बिहान घर पूर्व रहेको रुखमा झुण्डिएको अवस्थामा पौडेलको शव फेला परेको हो ।
घटनाको विषयमा जिल्ला प्रहरी कार्यालय सुनसरीका एसपी सन्जय सिंह थापाका अनुसार घर नजिकै रहेको रुखमा झुण्डिएको अवस्थामा फेला परेको बताए । उनका अनुसार मृतक पौडेलले आत्महत्या गरेको हुन सक्ने दावी समेत गरे ।
मृतक पौडेलकी श्रीमती बिमला पौडेलका अनुसार गत बैशाख २१ गते एकछिन इनरुवा जान्छु भनेर घरबाट हिँडेको र भोलिपल्ट सम्म परिवारको सम्पर्कमा नआएपछि अपहरणमा परेको भन्दै प्रहरीमा उजुरी दिएको थिए ।
उनी भोली पल्ट रामधुनी न.पा.को झुम्काबाट दिउँसो २ बजेतिर सम्पर्कमा आए लगतै जिल्ला प्रहरी कार्यालय सुनसरीमा सोधपुछ गर्नका लागि बोलाएको जानकारी दिइन । मृतकका श्रीमती पौडेलका अनुसार प्रहरीले के बयान लियो थाहा छैन बयान दिएर घरमा आएपछि अब यो ठाउँमा बस्न उचित छैन भन्दै विनोद भुजेल लगायतको नाम लिएको उनको भनाइ छ ।
यता जिल्ला प्रहरी कार्यालय सुनसरीका एसपी थापा भने परिवारले गरेका उजुरीका आधारमा पौडेललाई बोलाई सोधपुछ गरेको दाबी गरे । ‘परिवारले अपहरणमा परेको भनेर निवेदन दिएपछि बोलाएर सोधपुछ गरेर छाडिएको जानकारी दिए ।
मृतक पौडेलको २ छोरा तथा १ छोरी रहेको छ भने मृतकको शव पोष्ट मार्टमका लागि धरान स्थित विपि कोइराला स्वास्थय विज्ञान प्रतिष्ठानमा लगिएको पारिवारीक स्रोतले जानकारी दिए । सो घटनाको विषयमा थप अनुसन्धान भई रहेको जिल्ला प्रहरी कार्यालय सुनसरीले जानकारी दिए ।
