टोमराज मेहता
इनरुवा । सुनसरीको भोक्राहा नरसिंह गाउँपालिकामा नेपाली कांग्रेसका उम्मेदवार बिजयी भए तीन महिनामा एम्बुलेन्स प्रदान गर्ने डा. अबुल हुसेन अन्सारीले बताएका छन् ।
नेपाली कांग्रेसका युवा नेता तथा नेपाली कांग्रेस युवा प्रचार नेटर्वक उपसमितिका केन्द्रीय सदस्य डा. हुसेन अन्सारीले भोक्राहा नरसिंह गाउँपालिकामा नेपाली कांग्रेसको तर्फबाट अध्यक्ष पदमा प्रत्यासी उम्मेदवार अजमल अख्तर आजाद लगायतकोा टिम बिजयी भए तीन महिना भित्र पालिकालाई एम्बुलेन्स प्रदान गरिने बताएका हुन् ।
सुनसरीको भोक्राहा नरसिंह गाउँपालिकामा नेपाली कांग्रेसद्धारा आयोजित घोषणा पत्र सार्वजनिक कार्यक्रमलाई सम्वोधन गर्दै डा. हुसेन अन्सारीले नेपाली कांग्रेसका उम्मेदवारले पालिकामा नेतृत्व गरेको तीन महिनाभित्र एम्बुलेन्सको व्यवस्था मिलाउने बताएका हुन् ।
भोक्राहा नरसिंह गाउँपालिकामा प्राविधिक शिक्षालाई जोड दिँदै कांग्रेसका युवा नेता डा. हुसेन अन्सारीले व्यतिmगत सहयोगबाट गुणस्तरीय शिक्षा प्रदान गरिने समेत बताएका छन् ।
नेपाली कांग्रेसका युवा नेता डा. हुसेन अन्सारी काठमाण्डौंबाट आफनो गृह जिल्ला भोक्राहा नरसिंह पुगेर घोषणा पत्र सार्वजनिक कार्यक्रमलाई सम्वोधन गर्दै कांग्रेसले आफनो बिरासत फर्काउनका लागि यस पटक सफल हुने विश्वास व्यक्त गर्दै उनले चुनावी अभियानमा सरिक भएको उनले बताए ।
नेपाली कांग्रेसको गढ मानिएको भोक्राहा नरसिंह गाउँपालिकामा गत स्थानीय तहका तत्कालिन संघीय समाजवादी पार्टीबाट अध्यक्ष पदमा महेन्द्र प्रसाद यादव निर्वाचित भएका थिए ।
कांग्रेसमा आपसी विवादका कारण कांग्रेसले आफ्नो जित सुनिश्चित नभएकाले यस पटकको स्थानीय तहको निर्वाचनमा एक जुट भएर अर्थात एक मत गरेर नेपाली कांग्रेसको तर्फबाट भोक्राहा नरसिंह गाउँपालिकाको अध्यक्ष पदमा प्रत्यासी उम्मेदवार अजमल अख्तर आजाद पुनः उम्मेदवार भएर चुनावी मैदानमा उत्रिएपछि जित सुनिश्चित भएको युवा नेता हुसेनको भनाई छ ।
नेपाली कांग्रेसले आफ्नो शाख फर्काउन सफल भए तीन महिनाभित्र पालिकामा एम्बुलेन्स र प्राविधिक शिक्षा निःशुल्क प्रदान गर्ने गरी सहयोग गर्नका लागि तयार रहेको युवा नेता हुसेनको भनाई छ । नेपाली कांग्रेस यसपटको निर्वाचनमा तन,मन र धनले एक आपसमा सहयोग गरी नेपाली कांग्रेसका उम्मेदवारहरुलाई जिताउन आवश्यक रहेको उनले बताए ।
बैशाख ३० गते हुने स्थानीय तहको निर्वाचनमा कांग्रेसको चुनाव चिन्ह रुख छापमा मतदान गरी भोक्राहा नरसिंह गाउँपालिकाको अध्यक्ष, उपाध्यक्ष र ८ वटै वडामा वडाध्यक्ष र सदस्यहरुमा पदका जिताउन सफल भएमात्र नेपाली कांग्रेस बलियो रहेको सावित हुने समेत उनको भनाई छ ।
