इनरुवा । सञ्चार तथा सूचना प्रविधि मन्त्री ज्ञानेन्द्र बहादुर कार्कीले कोसी गाउँपालिका लगायत अन्य पालिकाहरुमा कांग्रेसको उम्मेदवारहरुलाई जिताउनु आवश्यक रहेको बताएका छन् । सुनसरीको कोसी गाउँपालिकाको लौकहीमा आयोजित आमसभालाई सम्वोधन गर्दै मन्त्री कार्कीले स्थानीय तहको निर्वाचनमा कांग्रेसका उम्मेदवारहरुलाई जिताउनु आवश्यक रहेको बताएका हुन् ।
शुक्रवार हुने स्थानीय तहको निर्वाचनमा नेपाली कांग्रेसका उम्मेदवारहरुलाई जिताउन सकेमात्र सोचेजस्तो विकास हुन सक्ने उनले बताए । नेपाली कांग्रेसका केन्द्रीय सदस्य तथा सरकारका प्रवक्ता समेत रहेका मन्त्री कार्कीले भने, ‘ जुन पालिकामा गठवन्धनका उम्मेदवार छ, त्यहाँ इमान्दारिता पूर्वक गठवन्धनका उम्मेदवारलाई मतदान गर्नुपर्छ ।’ जहाँ गठवन्धन छैन्, एमाले बाहेकसँग मित्रवत प्रतिस्पर्धा गनुपर्छ ।’
कोसीका जनताको जनलहरले नेपाली कांग्रेसका उम्मेदवारहरु निर्वाचित भइसकेको छ उनले भने, उहाँहरुलाई निर्वाचित गराउनुस्, राजनीतिक पेशा होइन्, सेवा हो । गजाँडीले गफ गरेको जस्तो सपना देखाएर समाजको विकास हुन सक्दैन् । पुरा गर्ने कुरा गरेर अगाडी बढ्नुपर्छ ।’ राजनीतिक आउने पुस्तका लागि गर्नुपर्छ, आउने पुस्तालाई दक्षिण ऐसियाकै धनी मध्येमा गन्निे नेपाल बनाउनुपर्छ । भाषणमा होइन्, व्यवहारमा उतार्ने गरी विकासका गतिविधिहरुलाई अगाडी बढाउनुपर्छ ।
निर्वाचनलाई अभियान र यात्राको रुपमा लिएको उनले बताए । नेपाली कांग्रेसको यात्रा देशलाई समृद्ध बनाउने यात्रा प्रारम्भ भएको समेत उनले बताए । यस क्षेत्रको विकास गर्ने जिम्मा नेपाली कांग्रेसले लिने समेत उनको भनाई थियो ।
ऐयुव अन्सारीलाई लगायतको टिमलाई कोसीमा जिताउनु आवश्यक रहेको उनले बताउँदै आउने पाँच वर्षमा गरेको विकास भन्दा दोब्बर विकास गर्ने उनले प्रतिवद्धता समेत व्यक्त गरे ।
कोसीमा हिन्दु र मुस्लिमको नारा दिएर केही दलहरुले लोकप्रियताका लागि सस्तो नारा दिएर मत बटुल्न खोजेकाले त्यस्ता नाराप्रति नलागी विकास गर्ने युवा नेतालाई मतदान गर्न समेत उनले जोड दिएका थिए । ‘मानिस ठूलो दिलले हुन्छ, जातले हुदैँन’ भन्ने कुरालाई स्मरण गराउँदै उनले काम गर्ने, विकासप्रमि नेता, जनताको भावनालाई कदर गर्ने व्यक्तिलाई छनौट गरी जातिय नारामा नलागी कोसीको समृद्धि र विकास गर्ने नेपाली कांग्रेसले युवा नेता ऐयुव अन्सारी नेतृत्वको टिम खडा गरेकोले उहाँको विकल्प समेत नरहेकोले उहाँको टिमलाई मतदान गर्न कोसीबासीलाई मन्त्री कार्कीले अनुरोध गरेका छन् ।
