टोमराज मेहता
इनरुवा । सुनसरीको हरिनगर गाउँपालिका वडा नम्बर–५ मा नेपाली कांग्रेसको तर्फबाट वडाध्यक्ष पदका उम्मेदवार सिकमलाल यादव सहित पुरै प्यानल बिजयी भएका छन् । नवनिर्वाचित वडाध्यक्ष यादव ११२२ मत ल्याएका छन् भने उनका प्रतिद्धन्द्धी नेकपा एमालेका अताबुल अन्सारीले ४८० मत ल्याएर पराजित भएका हुन् ।
अन्सारी गत स्थानीय तहको निर्वाचनमा नेकपा एमालेको तर्फबाट वडा सदस्यमा निर्वाचित भएका थिए । यादवले ६४२ मतान्तरले यादव हरिनगर–५ को वडाध्यक्ष पदमा निर्वाचित भएको निर्वाचन अधिकृतको कार्यालय हरिनगरले जनाएको छ ।
ग्त स्थानीय तहको निर्वाचनमा नेपाली कांग्रेसको तर्फबाट वडाध्यक्ष पदमा यादव झिनो मतले पराजित भएका थिए । कांग्रेसका नेता तथा कार्यकर्ताहरुले अन्तरघात गरेका कारण यादव गत निर्वाचनमा पराजित भएपनि यस पटकको निर्वाचनमा भारी मतले निर्वाचित भएका हुन् ।
निर्वाचन अधिकृतको कार्यालयले हरिनगर–५ को वडाध्यक्षमा यादव सहितको प्यानल बिजयी भएको घोषणा गरेपछि वडाबासीहरुले बाजागाजा सहित बिजयी जुलुस निकालिएको छ ।
हरिनगर–५ मा नेकपा एमाले निर्वाचित भएदेखी नै यादव लगायतका कांग्रेसका नेता तथा कार्यकर्ताहरु एमालेको गढलाई तोड्न लागि परेका थिए । तथापी यस पटको निर्वाचनमा नेकपा एमालेका उम्मेदवार अन्सारीलाई फराकिलो मतले पराजित गर्दै यादव वडाध्यक्ष पदमा निर्वाचित भएका छन् । नेपाली कांग्रेसका नेता तथा कार्यकर्ताको एक जुट र एकताका कारण वडाध्यक्ष पदमा यादव सहितका प्यानल बिजयी गराउन सफल भएका हुन् ।
हरिनगर गाउँपालिकामा वडा नम्बर–६ मा नेपाली कांग्रेसको तर्फबाट वडाध्यक्ष पदका उम्मेदवार हाजी तैयव अन्सारी सहितको प्यानल र हरिनगर–७ मा नेकपा एसको तर्फबाट वडाध्यक्ष पदमा मोजमिल अन्सारी बिजयी भएका छन् । अहिलेसम्म हरिनगर गाउँपालिकामा तीन वटा वडाको मतगणना सकिएको छ । जसमध्ये २ वटा वडामा नेपाली कांग्रेसको प्यानल बिजयी भएको हो । अब हरिनगर–४ को मतगणना जारी हुने निर्वाचन अधिकृतको कार्यालय हरिनगरले जनाएको छ ।
हरिनगर–५ को मत परिणाम जस्तोको त्यस्तै ।
