टोमराज मेहता
इनरुवा । नेपाली कांग्रेसको तर्फबाट हरिनगर गाउँपालिका वडा नम्बर–३ को वडाध्यक्ष पदका उम्मेदवार युवा नेता अरविन्द मेहता पुनः निर्वाचित भएका छन् । वडाध्यक्ष पदमा मेहताले ९ सय ८६ मत प्राप्त गरेर निर्वाचित भएका हुन् ।
मेहताको निकटतम प्रतिद्धन्द्धी नेकपा एमालेको तर्फबाट हरिनगर–३ को वडाध्यक्ष पदका उम्मेदवार द्धारिकलाल साहले ९ सय ६४ मत ल्याएर पराजित भएका हुन् । मेहताले २२ मतले साहलाई पछि पार्दै जित हासिल गरेका हुन् । नेपाली कांग्रेसको तर्फबाट हरिनगर–३ मा वडाध्यक्ष पदमा मेहता सहित पूरै प्यानल निर्वाचित भएका छन् ।
२०७४ सालको स्थानीय तहको निर्वाचनमा मेहता तत्कालिन संघीय समाजवादी पार्टीबाट हरिनगर–३ को वडाध्यक्ष पदमा निर्वाचित भएका थिए । २०७९ को स्थानीय तहको निर्वाचनमा युवा नेता मेहताले नेपाली कांग्रेसको तर्फबाट वडाध्यक्ष पदमा निर्वाचित भएका हुन् ।
हरिनगर–३ गौतमपुरमा नेपाली कांग्रेस र नेकपा एमालेका उम्मेदवारबीच सूरुदेखि नै कडा प्रतिस्पर्धा हुदँै आएको थियो । तथापी मतगणनाको अन्तिम समयमा नेपाली कांग्रेसका उम्मेदवार युवा नेता मेहताले २२ मतले वडाध्यक्ष पदमा बाजी मार्न सफल भएका छन् ।
२०७४ सालको निर्वाचनबाट वडाध्यक्ष पदमा निर्वाचित भएका युवा नेता मेहताले हरिनगर–३ मा विकासको लहर ल्याउनुको साथै जनताको आवश्यकतालाई मध्यनजर गर्दै समयमै भौतिक पूर्वाधार विकास लगायतका ठोस योजनाहरु बनाएर काम गरेपछि जनताको रोजाईमा पर्न सफल भएपछि वडाध्यक्ष पदमा पुनः निर्वाचित भए ।
हरिनगर–३ को मुहार फेर्नका लागि दिनरात एक गरेर शिक्षा, स्वास्थ्य, कृषि, सडक बति, कालो पत्रे सडक लगायतका नमुना कामहरु गरेर मेहताले जनताको मन जितेकोले आज पुनः वडाबासीको सेवा गर्ने अवसर पाएका छन ।
युवा नेता तथा नवनिर्वाचित वडाध्यक्ष मेहताले ठूलो चुनौतीलाई चिर्दै जनताबाट पाएको आर्शिवादले २२ मतको अन्तरले जित हासिल गरेका छन् । वडाबासीहरुले देखाएको सदभाव, माया, स्नेह र साथ सहयोगबाट आपूm निर्वाचित भएको हुदाँ मेहताले सबैलाई धन्यवाद ज्ञापन गरेका छन् ।
