हरिनगर । नेपाली काँग्रेस सुनसरी जिल्ला सदस्य पदबाट हरिनगर गाउँपालिकाका अध्यक्ष हाजि गफार अन्सारीले राजिनामा दिएको छ।
नेपाली काँग्रेसका १४ औं महाधिवेशनमा अध्यक्ष अन्सारीले केन्द्रीय महाधिवेशन प्रतिनिधिमा विजय भएतापनि जिल्ला उपसभापति पदमा १६ मतले पराजित भएका थिए ।
अध्यक्ष अन्सारीले उपसभापति पदमा पराजित भएपछि नेपाली काँग्रेस जिल्ला कार्यसमिति सुनसरीले जिल्ला सदस्य पदमा मनोनित गरेको थियो ।
अध्यक्ष अन्सारीले लिखित राजिनामा पत्र आफ्नो एक नजिकका व्यक्तिका हातबाट जिल्ला सभापति केदार भण्डारीलाई बुझाएको हो।
राजिनामा पत्र जारी गर्दै काँग्रेसको पछिल्लो जिल्ला सदस्य पदमा मनोनीत गर्ने कार्यले काँग्रेस जिल्ला कार्यसमितिको सदस्यमा बसेर काम गरिरहन औचित्य नभएको भन्दै उनले राजिनामा दिएका छन।
विज्ञप्तीमा पछिल्लो राजनितिक घटनाक्रम र परिवेशमा जिल्ला कार्य समितिको सदस्य पदमा आफु बस्न उपयुक्त नठानेको साथै कार्य व्यस्तताका कारण समेत समय दिन असमर्थ रहेकोले आजको मितिबाट जिल्ला सदस्य पदबाट राजिनामा दिएको उल्लेख छ।
अन्सारी नेपाली काँग्रेसबाट हरिनगर गाउँपालिकामा दोस्रो पटक निर्वाचित अध्यक्ष समेत हुन्।
पछिल्लो समस्य जिल्ला कार्यसमिति सुनसरीले राजनीति मर्यादा क्रममा समेत ध्यान नदिईकन जिल्ला सदस्य पदमा अनावश्यक रुपले मनोनित गर्ने थालेपछि चारैतिर विरोध र आलोचना भईरहेको छ ।
पार्टीको विधी विधान भन्दा पनि माथि रहेर जिल्ला सभापतिले आफ्नो अनुकुलका व्यक्तिहरुलाई जिल्ला सदस्य पदमा मनोनित गर्दा नेता तथा कार्यकर्ताहरुले विरोध तथा असन्तुष्टी जनाउन थालेका छन्। । यता नेपाली काङ्ग्रेस सुनसरी सभापति केदार भण्डारीले युवाहरुलाई नेतृत्व गर्ने अवसर प्रदान गरेको र नेपाली काङ्ग्रेस १४ औं महाधिवेशनमा समेट्न नसकेकाहरुलाई समेट्ने प्रयास गरेको बताएका छन् । जिल्ला सदस्य पदमा मनोनीत गरेकोलाई अन्यथा नलिन सबैमा सभापति भण्डारीले आग्रह गरेका छन् भने आउँदो मंसिर ४ गते हुने प्रतिनिधि सभा र प्रदेश सभा निर्वाचनमा सबैलाई एक जुट भैइ नेपाली काङ्ग्रेसका उम्मेदवारहरुलाई जिताउनतर्फ लाग्न आग्रह गरेका हुन ।
