नेकपा एमाले प्रवेश गरेको छैन् : ईरफान 

टोमराज मेहता

हरिनगर । गत बैशाख ३० गते सम्पन्न स्थानीय तहको निर्वाचनमा हरिनगर गाउँपालिका वडा नम्बर-४ को वडा अध्यक्ष पदमा पराजित भएका युवा नेता ईरफान अन्सारीले नेकपा एमाले प्रवेश नगरेको बताएका छन् ।

हरिनगर-४ को वडा अध्यक्ष पदमा स्वतन्त्र उम्मेदवार भएर स्थानीय तहको निर्वाचनमा होमिएका युवा नेता अन्सारीले सामाजिक सञ्जालमा पाेष्ट गरिएको तस्बिरमा आफुलाई बदनाम गर्ने षड्यन्त्र गरिएको बताएका हुन ।

नेपाली काङ्ग्रेसको १४ औं महाधिवेशनमा अन्सारीलाई हरिनगर गाउँपालिकाको सहसचिव पदको जिम्मेवारी दिइएको थियो । तर स्थानीय तहको निर्वाचनमा नेपाली काङ्ग्रेसले हरिनगर-४ को वडा अध्यक्ष पदको उम्मेदवार नबनाएपछी युवा नेता अन्सारी स्वतन्त्र उम्मेदवार भएर चुनावी अभियानमा होमिएर दोस्रो स्थान ओगटन सफल भएका थिए ।

युवा नेता अन्सारी काम विशेषले दुहबी गईरहेको बेला हरिनगरका साथिहरुसङ्ग भेटघाट भएको अवस्थामा आफुले सामुहिक तस्बिर खिचाएको स्पष्ट पारेका छन् ।

नेकपा एमाले प्रवेश नगरेको उनले स्वीकार गरेका छन् । शनिबार सञ्चारकर्मीहरुसङ्ग कुराकानी गर्दै युवा नेता अन्सारीले सामाजिक सञ्जालमा पाेष्ट गरिएको तस्बिरमा कुनै सत्यता नरहेको जानकारी दिएका छन् ।

स्थानीय तहको निर्वाचनदेखि नै आफू स्वतन्त्र रहेको उनले बताए । नेकपा एमालेमा प्रवेश गरेको आरोप निराधार रहेको समेत उनले जानकारी दिएका हुन् ।

नेकपा एमालेका अध्यक्ष केपि शर्मा ओलिसङ्ग समेत भेटघाट नभएको र आफुले कार्यक्रम स्थलमा समेत प्रवेश नगरेको उनले जानकारी दिएका छन् ।

नेकपा एमालेको पार्टी प्रवेश कार्यक्रममा आफू सहभागी समेत नभएको र कसैलाई भ्रममा नपर्न समेत उनले आग्रह गरेका छन् । युवा नेता अन्सारीले हरिनगर गाउँपालिकाका सम्पुर्ण जनतालाई नेकपा एमाले प्रवेश गरेको हल्ला फैलाएर आफुमाथी षड्यन्त्र गर्न खोजिरहेकोले यस्ता भ्रममा नपर्न र केही तत्वहरुले सस्तो लोकप्रियता कमाउन अनर्गल प्रचारवाजी गरेको समेत उनले बताएको छ ।