टोमराज मेहता
सुनसरी । सञ्चार तथा सूचना प्रविधि एवं कानुन मन्त्री ज्ञानेन्द्र बहादुर कार्कीले आगामी मंसिर ४ गते हुने प्रतिनिधि सभा र प्रदेश सभाको निर्वाचन पछि गठवन्धनको दुई तिहाईको सरकार बन्ने दावी गर्नुभएको छ ।
सुनसरीको कोसी गाउँपालिकाको लौकहीमा नेपाली कांग्रेस सुनसरी क्षेत्र नम्बर–४ क्षेत्रीय कार्य समितिले आयोजना गरेको अन्तरक्रिया कार्यक्रमलाई सम्बोधन गर्नुहँुदै सञ्चारमन्त्री कार्कीले देशको विकास, सुशासनको पक्षमा काम गर्ने पार्टी काग्रेंस भएको र त्यसमा आवद्ध गठबन्धनको समेत योगदान रहेकाले निर्वाचन पछि दुई तिहाईको सरकार बन्ने दावी गर्नुभएको हो ।
कार्यक्रमका प्रमुख अथिति सञ्चारमन्त्री कार्कीले देशमा भाषणमा मात्रै हाईन देशको विकास र जनताको हितमा समेत काम गर्ने भएकाले गठबन्धनका उम्मेदबारहरु दैशभरी जित्ने र दुई तिहाईको सरकार बन्ने दावी गर्नुभयो ।
नेपाली जनताले निर्वाचन पछि पूर्ण लोेकतन्त्रको अनुभुती सहित संविधानको भावना अनुसारको काम भएको अनुभव गर्न पाउने बताउनुभयो । सबै क्षेत्रमा विकास गर्दै नेपाललाई दक्षिण एसियाकै विकशित मुलुकको रुपमा परिणत गर्ने जानकारी दिनुभयो । देशको संविधानको रक्षा, जनभावनाको कदर गर्दै विकास गर्ने जिम्मा काग्रेंस सहितको गठबन्धनको रहेको बताउनुभयो ।
उहाँले नेता भएर नमस्कार खाने नभई देश र जनताको संविधान रक्षा, नागरिकको सुरक्षामा ध्यान दिनुपर्ने भएकाले त्यसमा गठबन्धन लागेकाले मतदाताले फैसला गर्ने समेत बताउनुभयो ।
सञ्चारमन्त्री कार्कीले विश्व सञ्चारको युगमा रहेकाले कोही कसैले ठाटेर ठगेर नहुने भएकाले पारदर्शिताको पक्षमा समेत सञ्चारले काम गरेको भन्दै नागरिकलाई संसारसंग जोडेको बताउनुभयो ।
सुनसरी क्षेत्र नम्बर–४ मा प्रतिनिधि सभाका उम्मेदबार समेत रहनुभएकोले सुनसरीको सीमादेखी रामधुनीसम्मको सडकमा कालोपत्रेदेखी प्रत्येकको खेतमा सिचाई, आरक्ष क्षेत्रमा जगंली जनावरको आतंक नियन्त्रण गर्ने बताउनुभयो ।
उहाँले आफू यसक्षेत्रमा कोशी टप्पु बन्यजन्तु आरक्षलाई निकुञ्जमा परिणत गर्ने पहल गरेको, जगंली जनावरको आतंक नियन्त्रणका क्रममा बोलेरो गाडीको व्यवस्था गरेको र घाईतको उपचार तथा जंगली जनावरको आतंकबाट मृत्यु भएका परिवारलाई पाँच लाखबाट १० लाखसम्मको राहत सहयोग गर्ने निर्णय आफ्नै पहलमा गरेको बताउनुभयो ।
सुनसरीलाई समृद्ध क्षेत्र बनाउने भएकाले सबैलाई यसपटक निर्वाचनमा पुनः मतदान गरि विजयी गराउन अपिल गर्नुहुँदै मतदाताको शिर उच्च बनाउने काममा सदैब लागिपर्ने समेत बताउनुभयो ।
