इनरुवा । नेपाल राष्ट्र बैंकद्वारा लागू गरिएको चालू पूँजी कर्जासम्वन्धी मार्गदर्शन २०७९ खारेजको माग गर्दै इनरुवाका उद्योग व्यापारीहरुले विरोध ¥याली प्रदर्शन गरेका छन् ।
उद्योग वाण्ज्यि संघ इनरुवा सुनसरीले सदरमुकाम इनरुवाका उद्योग व्यापारीहरुले नगरपरिक्रमा गरि विरोध ¥याली प्रदर्शन गरेका हुन् ।
नेपाल राष्ट्र बैंकले जारी गरेको चालू पूँजी मार्गनिर्देशन २०७९ खारेजको माग गर्दै उद्योग वाण्ज्यि संघ इनरुवा सुनसरीले १० बुँदे माग सहित जिल्ला प्र्रशासन कार्यालय सुनसरीमा ज्ञापन पत्र बझाएको छ ।
उद्योग वाण्ज्यि संघ इनरुवा सुनसरीले सदरमुकाम इनरुवा नगरपरिक्रमा गरि बिभिन्न नाराबाजी गर्दै विरोध ¥याली प्रदर्शन गर्दै जिल्ला प्र्रशासन कार्यालय सुनसरीमार्फत अर्थमन्त्रालयमा ज्ञापन पत्र बुझाएको उद्योग वाणिज्य संघ इनरुवाका अध्यक्ष वीरेन्द्र शाहले बताएका छन् ।
उद्योग वाण्ज्यि संघ इनरुवा सुनसरीका अध्यक्ष वीरेन्द्र शाहले सुनसरीका प्रमुख जिल्ला अधिकारी इन्द्रदेव यादवलाई ज्ञापन पत्र बुझाएका छन् ।
मुलुकको अर्थतन्त्र धानिरहेको निजी क्षेत्रलाई झनै समस्याग्रस्त बनाउने गरी नेपाल राष्ट्र बैंकले जारी गरेको चालू पूँजी मार्गनिर्देशन २०७९ र त्यसैको आडमा आर्थिक मन्दीको अवसर छोपेर समग्र निजी क्षेत्रलाई धराशायी बनाउने बैंकहरुको सिन्डीकेटले गरिरहेको कडिकसाउप्रति कडा विरोध जनाएको उवासंघ इनरुवाका अध्यक्ष शाहद्वारा हस्ताक्षरित विज्ञप्तिमा उल्लेख गरिएको छ ।
उच्च दरको आर्थिक बृद्धिका लागि कर्जादरमा एकल अंक कायम गरि स्वायित्व कायम हुनुपर्ने, बैंकहरुको कर्जा प्रवाह र नविकरण लिने सेवा शुल्क वा कुनैपनि शुल्क महसुल लिन नपाउने, पुरानो चालू पूँजी कर्जा निर्देशिकालाई यथावत राखी नयाँ निर्देशिका क्रमिक रुपमा लागू गर्नुपर्ने, कर्जा व्याजदर बृद्धि गर्दा ऋणीको अनिवार्य सहमति हुनुपर्ने लगायतको माग सहित १० बुँदे ज्ञापन पत्र सुनसरीका प्रमुख जिल्ला अधिकारी यादवलाई बुझाएको उद्योग वाणिज्य संघका उपाध्यक्ष गिरीराज अटलले जानकारी दिए ।
