इनरुवा । सञ्चार तथा सूचना प्रविधि एवं कानुन मन्त्री ज्ञानेन्द्र बहादुर कार्कीले सुनसरी क्षेत्र नम्बर–४ मा पाँच वर्षमा असी प्रतिशत काम पूरा गरेको बताएका छन् ।
सुनसरीको कोसी गाउँपालिका वडा नम्बर–७ मा अयोजित सतारुढ गठवन्धनको चियापान कार्यक्रमलाई सम्वोधन गर्नुहुँदै मन्त्री कार्कीले सुनसरी–४ मा बीस प्रतिशत काम गर्न बाँकी रहेकोले पुनः यस क्षेत्रको उम्मेदवार बनेको बताएका हुन् ।
सञ्चारमन्त्री कार्कीले २०७४ सालको निर्वाचनमा गरेका वाचाहरुलाई धेरैजसो पूरा गरेको र केही अधुरा कामहरुलाई पूरा गर्नका निमित पुनः जनताको मामmमा आएको बताए ।
सुनसरी क्षेत्र नम्बर–४ मा चालीस वर्षमा हुन नसकेको विकास निर्माणका कार्यहरु आफूले पाँच वर्षमा गर्न सफल भएको जानकारी दिए ।
आगामी मंसिर ४ गते हुने प्रतिनिधिसभा र प्रदेशसभाको निर्वाचनमा सुनसरी–४ बाट प्रतिनिधिसभाको उम्मेदवार रहेकाले यस पटक पनि पुनः मतदान गरि विजयी बनाउनका लागि मतदाताहरुसँग उनले आग्रह गरेका छन् ।
सत्तारुढ गठवन्धनमा नेपाली कांग्रेसको तर्फबाट सुनसरी क्षेत्र नम्बर–४ बाट उम्मेदवार रहेका मन्त्री कार्कीले यसक्षेत्रको समृद्धिका लागि सदैव लागिपर्ने बताउनुभयो ।
मन्त्री कार्कीले सुनसरी–४ का जनतासँग गरेका वाचाहरु आफूले पाँचवर्षमा पूरा गर्न सकेको उनले बताउँदै सडक, शिक्षा, स्वास्थ्य, कृषि क्षेत्रमा उदाहरणीय काम गरेको पनि बताउनुभयो ।
यस क्षेत्रका जनताबाट पाएको मायाले गर्दा पुनः सुनसरी क्षेत्र नम्बर–४ रोजेकोले आगामी मंसिर ४ गते हुने निर्वाचनमा सत्तारुढ गठवन्धनको तर्फबाट नेपाली कांग्रेसका उम्मेदवार भएकाले चुनाव चिन्ह रुख छापमा मतदान गर्नका लागि मन्त्री कार्कीले मतदाताहरुलाई अपिल गरेका छन् ।
