इनरुवा । आगामी मंसिर ४ गते हुने आमनिर्वाचनको मिति नजिकिँदै जाँदा सुनसरी निर्वाचन क्षेत्र नम्बर–४ मा चुनावी सरगर्मि बढेको पाइएको छ ।
सुनसरी निर्वाचन क्षेत्र नम्बर–४ मा प्रतिनिधिसभा सदस्य पदका उम्मेदवार नेपाली कांग्रेस सहितको सत्तारुढ गठवन्धनको तर्फबाट सञ्चार तथा सूचना प्रविधि मन्त्री एवं कानुन मन्त्री ज्ञानेन्द्र बहादुर कार्की र नेकपा एमाले–जसपा गठबन्धनको तर्फबाट प्रतिनिधिसभा सदस्य पदका उम्मेदवार जगदीश प्रसाद कुसियैतबीच चुनावी प्रतिस्पर्धा हुँदैछ ।
नेपाल सरकारका प्रवक्ता समेत रहेका मन्त्री कार्की र प्रदेश एकका पूर्व उद्योग पर्यटन, वन तथा वातावरण मन्त्री कुसियैतले आ–आप्mनो ढङ्गले चुनावी मैदानमा मतदाताहरुलाई रिझाउने गरेको पाइएको छ ।
आमनिर्वाचन हुन आजदेखी २६ दिन बाँकी रहेपनि सुनसरी–४ का प्रतिनिधिसभाका उम्मेदवारहरुले मतदाताहरुसँग आ–आप्mनो गठबन्धनका उम्मेदवारलाई बिजयी गराउन नेताहरु कसरत सुरु गरेका छन् ।
सुनसरी निर्वाचन क्षेत्र नम्बर–४ का मतदाताहरुले ‘नाईटी नाइन’ झुठो बोल्ने नेताहरुलाई मतदान नगर्ने र विकासप्रेमी नेतालाई मतदान पर्ने पक्षमा माहोल बनेको पाइएको छ । ‘नाईटी नाइन’ झुठो बोल्ने नेता भनेर सुनसरी–४ मा नेकपा एमाले–जसपा गठबन्धनको तर्फबाट प्रतिनिधिसभा सदस्य पदका उम्मेदवार जगदीश प्रसाद कुसियैतलाई चिनिएको छ ।
सुनसरी–४ का मतदाताहरुले ‘नाईटी नाइन’ झुठो बोल्ने नेता भन्दा कैयौ गुणा विकासप्रेमी र शालीन नेता भनेर कार्कीलाई मतदाताहरुले चिन्न थालेका छन् । प्रदेश एकका पूर्वमन्त्री कुसियैतले पदमा रहुञ्जेलसम्म कार्यकर्ता पाल्ने बाहेक केही नगरेको जनगुनासो छ भने मन्त्री कार्कीले सुनसरी क्षेत्र नम्बर–४ मा नेपाली कांग्रेसका नेता स्व.वीपी कोइराला र गिरजी प्रसाद कोइरालाको सपनालाई विकासका मार्फतबाट पूरा गरेको चर्चा चलेको छ ।
कुसियैत ‘नाईटी नाइन’ झुठो बोल्ने नेताको रुपमा परिचित भएका छन् भने मन्त्री कार्की विकासप्रेमी शालिन नेताका रुपमा चर्चा पाइरहेका छन् । सुनसरी–४ को मुहार फेर्न पाँचवर्षमा जनताको भावना अनुसार विकासको लहर ल्याएको भन्दै मतदताहरुले पुनः मन्त्री कार्कीको पक्षमा माहोल बनाएकोले यस निर्वाचनमा पनि जित सुनिश्चित हुने बुझिएको छ ।
नेपाली कांग्रेसमा आन्तरिक विवाद अन्त्य भएको र सत्तारुढ गठबन्धनका नेताहरुले साथ सहयोगबाट मन्त्री कार्कीले भारी मतान्तरले सुनसरी–४ मा बिजयी हुने आम मतदाताहरुको बुझाई छ । प्रदेश एकका पुर्व मन्त्री कुसियैतले आफ्नो फेसबुक मार्फत सार्वजनिक गरेको विकास निर्माणका कार्यहरु पूरा नभएको र कागजातमा मात्रै सिमित रहेको अहिले व्यापक चर्चा रहेको छ । प्रदेश एकका मन्त्री भएका बेला कुसियैतले हरिनगर–१ का नेकपा एमालेका नेतालाई ठेकेदार बनाएर कागजातमा मात्रै सिमित गरेर सबै बजेट स्वाहा गरेको बुझिएको छ ।
‘नाईटी नाइन’ झुठो बोल्ने नेताले सुनसरी–४ को विकास त के गर्लान्, गरेको विकासमा पनि केही ठेकेदारहरुले जिम्मा लिएर आप्mनो खल्ती भर्ने काममा व्यस्त हुनेछ । आगामी दिनमा खल्ती भर्ने काम गरेको र पछि पनि गर्ने भएकाले झुठा बोल्ने नेताहरुसँग सावधान रहनपनि नेपाली कांग्रेसका नेताहरुले मतदाताहरुलाई आग्रह गरेका छन् ।
सुनसरीको इनरुवा नगरपालिका–८ डुम्राहामा शुभ दीपावली र छठ पर्वको अवसरमा आयोजित शुभकामना आदानप्रदान कार्यक्रममा नेपाली कांग्रेसका अधिकांश नेताहरुले ‘नाईटी नाइन’ झुठो बोल्ने नेताले यस क्षेत्रको विकास गर्न नसक्ने र एक सय प्रतिशतमा ‘नाईटी नाइन’ प्रतिशत जनतालाई झुठो आश्वासन मात्रै बाँड्ने गरेकोले विकासप्रेमी नेता ज्ञानेन्द्र बहादुर कार्कीलाई आगामी मंसिर ४ गते हुने निर्वाचनमा मतदान गर्न जोड दिएका थिए ।
