इनरुवा । आगामी मंसिर ४ गते हुने निर्वाचनमा सुनसरी क्षेत्र नम्बर–२(ख) का उम्मेदवार राजीव कोइरालाको विकल्प नभएको देवानगंजबासी बताउँछन् । चुनावी प्रचार प्रसारको क्रममा सुनसरीको सीमावर्ती क्षेत्र देवानगंज गाउँपालिकाका सर्वसाधारणहरुले कोइरालाको पक्षमा जनलहर बढ्दै गइरहेको बताएका छन् ।
सुनसरी–२(ख) का उम्मेदवार कोइराला शनिवार घरदैलो अभियान अन्र्तगत देवानगंज गाउँपालिकामा प्रवेश गर्ने बितिकै मतदाताहरु उत्साहित देखिएका थिए । उनीहरुले उम्मेदवार कोइरालालाई पूmलमाला लगाएर भब्य स्वागत गरेका थिए । सुनसरी–२(ख)को विकास कोइरालाबाट मात्रै सम्भव हुने भएकाले यस निर्वाचनमा पनि मतदाताहरुले कोइरालालाई नै मतदान गर्ने विश्वास दिलाएका छन् ।
२०७४ सालमा सुनसरी–२(ख) बाट निर्वाचित भएका कोइरालाले आप्mनो संसदीय कोषबाट बजेट बिनियोजन गरेर बिकासको लहर ल्याएकोले जनताको विश्वास जित्न सफल भएका हुन् । मतदाताहरुको रोजाईमा अहिले पनि कोइराला नै छन् । नेपाली कांग्रेसको संगठन बलियो भएका कारण सुनसरी क्षेत्र नम्बर–२ बाट प्रतिनिधिसभाका उम्मेदवार सीताराम मेहता र सुनसरी–२(ख) बाट उम्मेदवार कोइरालाको जित सुनिश्चित हुने बताइएको छ ।
नेपाली कांग्रेसको १४ औं महाधिवेशन र २०७९ को स्थानीय तहको निर्वाचनमा नेता तथा कार्यकर्ताहरु रुष्ट बनेका कारण नेपाली कांग्रेसभित्रै अन्तरघात हुने भएको आमजनताको बुझाई छ । तर नेपाली कांग्रेसले आप्mनो संगठन बलियो बनाउन दिनरात लागि रहेको र असन्तुष्ट पक्षहरुसँग समवन्य र सहकार्य भएकोले कांग्रेसको संगठनमा सुधार आएकोले नेपाली कांग्रेसका उम्मेदवारहरु जितको अन्तिमका पुगेको बताइन्छ ।
नेपाली कांग्रेस देवानगंज गाउँपालिकाका सभापति जगधर यादवका अनुसार नेपाली कांग्रेसको संगठन कमजोर भएको छैन् । अरु पार्टीका उम्मेदवार तथा नेता कार्यकर्ताहरुको रवैया हेरेको मात्रै हो, त्यसैले कांग्रेसका नेता तथा कार्यकर्ताहरु जागरुक भएको र जोश जागरका साथ लोकतान्त्रिक बाम गठबन्धनका तर्फबाट नेपाली कांग्रेसका उम्मेदवार कोइरालाले सहज वातावरणमा चुनाव जित्न सक्ने थुप्रै आधारहरु भएकाले नआतिन सबैलाई उनले आग्रह गरेका छन् ।
कोइराला दक्षिणभेगमा घरदैलो कार्यक्रममा पुग्दा मतदाताहरुमा उत्साह थपिएको पाइएको छ । निराशजनक अवस्था नरहेको र लोकतान्त्रीक बाम गठबन्धनको पक्षमा जनलहर बढ्दै गएको हुँदा कसैलाई पनि दुविधामा नपर्न कोइरालाले आग्रह गरेका हुन् ।
सुनसरी–२(ख) का उम्मेदवार कोइरालाले पाँच वर्षमा गरेका विकासलाई जनतामाझ पु¥याउन आवश्यक रहेको स्थानीयबासीको भनाइ थियो भने बाँकी रहेको अधुरा कामलाई निर्वाचित भएपछि पूरा गर्ने प्रतिवद्धता कोइरालाले व्यक्त गरेका थिए । उक्त घरदैलो कार्यक्रममा हजारौं कार्यकर्ताको सहभागिता
देखिएका थियो ।
