इनरुवा । सुनसरी निर्वाचन क्षेत्र नम्बर–४ मा लोकतान्त्रिक बाम गठबन्धनको तर्फबाट प्रतिनिधिसभा सदस्य पदका उम्मेदवार ज्ञानेन्द्र बहादुर कार्की बिहान ७ बजे कोसी गाउँपालिका भाण्टाबारी पुगे । कार्कीलाई देख्ना साथ स्थानीयबासीहरु फुलमाला लिएर स्वागतमा ओर्लिए । एकछिन कार्कीलाई हेर्न भिड नै लाग्यो ।
गाडीबाट कार्की ओर्लिना साथ स्थानीयले लामवद्ध लाइन लागेर पूmलमाला र खादा लगाई स्वागत गरेको दृश्य हेर्दा अचम्म पनि लाग्यो । त्यो जितको पूmलमाला नभई स्थानीयले जितको अग्रिम बधाई दिन गाउँटोलबाट आएका सर्व साधारणहरुले कार्कीले गरेका विकासप्रति खुशी भएर पुनः एक पटक निर्वाचित गराउनका लागि कांग्रेसको रुख छापमा मतदान गर्ने उनीहरुले प्रतिवद्धता व्यक्त गरेका थिए ।
सञ्चार तथा सूचना प्रविधि एवं कानुन मन्त्री समेत रहेका कार्कीले पाँच वर्षमा गरेका प्रतिवद्धता पूरा गरेपछि अहिले कोसी गाउँपालिकाका ८ वटै वडा कांग्रेसमय बनेको छ । उनीहरुलाई पैसाको प्रलोभन देखाएर कांग्रेसको पक्षमा माहोल बनेको होइन्, उनीहरुसँग गरेका वाचा पूरा गरेपछि विश्वास कायम गर्न सफल भएका कार्कीलाई ठाउँ–ठाउँमा भब्य स्वागत समेत गर्नेको भीड दिनानुदिन बढ्दै गएको पाइएको छ ।
२०७४ सालमा पहिलो पटक सुनसरी निर्वाचन क्षेत्र नम्बर–४ मा खुट्टा टेकेका कार्की निर्वाचनमा होमिएर चुनाव समेत जितेपछि पाँच वर्षमा विकासका माध्यमबाट मुहार फेरिएपछि सर्वसाधारणहरुको मन र मस्तिष्कमा बस्न सफल भएका हुन् ।
अघिल्लो निर्वाचनमा चुनाव लड्दै गर्दा उनी त्यती भरोसायोग्य नभएपनि ६ हजार मतान्तरले प्रतिनिधिसमा सदस्य पदमा निर्वाचित भएका थिए ।
निर्वाचित भएपछि सुनसरी–४ लाई कर्मथलोका रुपमा विकासका लहरहरु पु¥याउँदै ३२ वटै वडामा काम गरेर देखाएपछि अहिले कार्की भरोसायोग्य उम्मेदवारका रुपमा देखिएका छन् । त्यसैले सुनसरी–४ का जनताले नेपाली कांग्रेसका उम्मेदवारलाई मत दिने माहोल सिर्जना भएपछि अहिले सुनसरी–४ का जनतामा उत्साह थपिएको छ । जनतालाई ठग्ने भन्दा पनि गरेका वाचा पूरा गर्ने व्यक्तिका रुपमा परिचित भएपछि उनलाई जित्न सहज भएको छ ।
सुनसरीको कोसी गाउँपालिकामा बिभिन्न टिकाटिप्पणी भइरहेका बेला नेपाली कांग्रेसको तर्फबाट उम्मेदवार भएका मन्त्री कार्कीले चुनाव जित्नका लागि जनताको घरदैलोमा जानका लागि नेता तथा कार्यकर्ताहरुलाई निर्देशन समेत दिएका छन् ।
सुनसरी–४ मा पाँच वर्षमा गरेका विकास भन्दा पनि चारगुणा भन्दा बढी विकास गरेर मुलुककै नमूना क्षेत्रको रुपमा स्थापित गर्ने कार्कीले बताएका छन् । विकास र समृद्धिका लागि आगामी मंसिर ४ गते हुने निर्वाचनमा सत्तारुढ गठबन्धनका उम्मेदवारलाई जिताउन आवश्यक रहेको र राष्ट्रिय राजनीतिमा आप्mनो कुरा राख्न सक्नेलाई मतदान गर्न समेत उनले अपिल गरेका छन् ।
कोसी गाउँपालिका सहित अन्य पालिकाका सर्वसाधारणहरुले अहिले कार्कीको पक्षमा जयजयकारका नारा लगाउँदै जित सुनिश्चित भएको बताउँछन् । सुनसरी–४ बाट लोकतान्त्रिक बाम गठबन्धनका तर्फबाट प्रतिनिधिसभा सदस्य पदका उम्मेदवार ज्ञानेन्द्र बहादुर कार्की र ४(क) बाट सदानन्द मण्डल र ४(ख) बाट हाजी इसराइल मंसुरीको पक्षमा जनलहर बढ्दै गएपछि कांग्रेसमय बनेको स्थानीयहरु बताउँछन् ।
सुनसरी–४ बाट नेकपा एमाले–जसपा गठबन्धनका तर्फबाट नेकपा एमालेका जगदिश प्रसाद कुसियैत, ४(क) बाट पर्शुराम बस्नेत र ४(ख) बाट हाजी अब्बास अन्सारी पनि चुनावी मैदानमा उत्रिएका छन् । दुई गठबन्धनका उम्मेदवारबीच प्रतिस्पर्धा हुँदैछ । उनीहरु अहिले घरदैलो अभियानसँगै आमसभा कार्यक्रम मार्फत जनतासँग प्रत्यक्षमा आ–आप्mनो पक्षमा मत माग्न व्यस्त बनेका छन् ।
