इनरुवा । आगामी मंसिर ४ गते हुने प्रतिनिधिसभा र प्रदेश निर्वाचनमा सुनसरी क्षेत्र नम्बर–२ (ख) बाट लोकतान्त्रिक बाम गठबन्धनको तर्फबाट उम्मेदवार भएका राजीव कोइराला अहिले चुनावी अभियान अन्र्तगत जनताको घरदैलामा मत माग्न व्यस्त बनेका छन् ।
निर्वाचनको मिति नजिकैँदै जाँदा कोइराला मतादाताहरुको घर–घरमा पुगेर नेपाली कांग्रेसको रुख छापमा मतदान गर्न आग्रह गर्दै प्रचार प्रसारलाई तीव्रता दिएका हुन् । अघिल्लो निर्वाचनमा सुनसरी–२(ख) बाट प्रदेश सभा सदस्य पदमा निर्वाचित भएर जनताको सेवामा समर्पित भएका कोइराला यस पटक पनि उम्मेदवारका रुपमा जनताको घरदैलोमा व्यस्त देखिन्छन् ।
जनताको मन–मनमा बस्न सफल भएका कोइराला प्रदेश सांसद भएपछि पाँच वर्ष जनताले चाहेको जस्तो कामहरु गर्न सफल भएको दावी गर्छन भने विकास निर्माण लगायतका कामहरु केही गर्न बाँकी रहेकोले पूरा गर्ने प्रतिवद्धता सहित मतदाताहरुसँग मत माग्दै घरदैलोमा तीव्रता दिइरहेका बताउँछन ।
नेपाली कांग्रेस सुनसरीका पूर्व सभापति समेत रहेका कोइराला सफल नेतृत्वदायी भूमिका निर्वाह गरेकाले अहिले सुनसरी–२(ख) का जनताको मन–मनमा बस्न सफल भएसँगै उनको पक्षमा माहोल सिर्जना भएको बुझिएको छ । जनताको इच्छा आंकक्षालाई पूरा गर्न सधैं तत्परकोइराला चुनावी मैदानमा उत्रिएकोले सबैको साथ सहयोग पाउनेमा आशावादी छन् ।
कोइरालाले कसैसँग प्रतिस्पर्धा नरहेको बताएका छन् । लोकतन्त्रमा जनताको मतबाट निर्वाचित हुनु सुन्दर पक्ष भएको उनले बताए । प्रदेशमा नीती निर्माण गर्नका लागि र जनताको आवाजलाई संसदसम्म पुर्याउनका लागि पुनः एक पटक मतदान गरी बिजयी गराउनका लागि कोइरालाले मतदाताहरुलाई आग्रह गर्दै आइरहेका छन् ।
