इनरुवा । सञ्चार तथा सूचना प्रविधि मन्त्री ज्ञानेन्द्र बहादुर कार्कीले चुनावी अभियानलाई तीव्रता दिनुभएको छ । मन्त्री कार्कीले कार्यतालिका अनुसार सुनसरी निर्वाचन क्षेत्र नम्बर–४ को बिभिन्न वडामा घरदैलो सहित चुनावी प्रचार प्रसारलाई तीव्रता दिनुभएको हो ।
नेपाली कांग्रेसले सुनसरी–४ को ३२ वटा वडा मध्ये अधिकांश वडाहरुमा भेला तथा चुनावी आमसभा सम्पन्न गरेको छ । मन्त्री कार्कीको आप्mनो क्षेत्रमा भोट माग्ने क्रममा वडाहरुमा प्रवेश गर्दा मतदाताहरु उत्साहित भएका छन् । सुनसरी निर्वाचन क्षेत्र नम्बर–४ बाट नेपाली कांग्रेस सहितको सत्तारुढ गठबन्धनका तर्फबाट प्रतिनिधिसभा सदस्य पदका उम्मेदवार समेत रहेका मन्त्री कार्कीको पक्षमा दिनप्रतिदिन जनलहर बढ्दै गएको पाइएको छ ।
इनरुवा–८ डुम्राहा कार्यक्रमलाई सम्वोधन गर्दै मन्त्री कार्कीले नेकपा एमालेका उम्मेदवार जगदीश प्रसाद कुसियैतले २०७४ को निर्वाचनमा सुनसरी–४(क) बाट निर्वाचित भएर प्रदेश एकको सरकारमा साढे तीन वर्षमा गन्ने लायकको काम के–के गर्नुभयो ? भनेर प्रश्न गरेका छन् । २०७४ को निर्वाचनमा आपूm निर्वाचित भएपछि संसदीय कोषको रकम बाहेक पनि अन्य दातृ संस्थाबाट बजेट ल्याएर विकासमा फड्को मारेको कार्कीको भनाई छ । सुनसरी–४ मा गरेका विकासका बारेमा जानकारी पत्रमा उल्लेख गरेको उनले बताए ।
नेकपा एमाले–जसपा गठबन्धनका तर्फबाट सुनसरी–४ मा प्रतिनिधिसभाका उम्मेदवार जगदीश प्रसाद कुसियैतले भूमिपुत्रलाई जिताउन अपिल गर्दै हिडिरहेकोले मतदाताहरुले उनलाई पत्याएका छैन् । कुसियैत मन्त्री भएका बेला एमालेका नेता तथा कार्यकर्तालाई बजेट दिएको र काम नगरि कागजमै विकास गरेको सर्वसाधारणहरुको आरोप खेपिरहेका छन ।
नेपाली कांग्रेसका केन्द्रिय सदस्य तथा नेपाल सरकारका प्रवक्ता समेत रहेका मन्त्री कार्कीसँग कुसियैतको प्रतिस्पर्धा भएपनि सुनसरी–४ का मतदाताहरुले भूमिपुत्रलाई मतदान नगरिकन विकासप्रेमी नेता कार्कीलाई मतदान गर्ने बताएका छन् ।
कार्की भोजपुरे भएकाले सुनसरीबाट मंसिर ४ पछि भगाउने नेकपा एमाले–जसपाका नेताहरु अभिव्यक्ति दिइरहेका छन् । यता मन्त्री कार्कीले प्रतिस्पर्धी कुसियैतलाई संविधान पढ्न सुझाएका छन् । संविधानमा १६५ निर्वाचन क्षेत्र मध्ये कुनै क्षेत्रबाट निर्वाचन लड्न पाउने अधिकारको सुनिश्चित गरिएको उल्लेख भएकाले एक पटक संविधान पढ्नका लागि कुसियैतलाई मन्त्री कार्कीले अनुरोध गरेका हुन् ।
आपूm यसक्षेत्रबाट भाग्न आएको होइन्, उनले भने,‘सुनसरी–४ मा रहेको गरिबी र बेरोजगारीलाई भगाउनका लागि आएको छु । कार्कीले भन्नुभयो– मंसिर ४ पछिको मत परिणामबाट कुसियैत आफै भाग्नुहुन्छ ।
सुनसरी–४ का कस्तो जनप्रतिनिधि चुन्न चाहनु हुन्छ ? राष्ट्रिय राजनीतिमा महत्वपूर्ण भूमिका निर्वाह गर्ने ? कि हाजिरी गरेर कहिले काही शून्य समयमा संसदमा बोल्ने प्रतिनिधि छनौट गर्नुहुन्छ ? भन्ने प्रश्न कार्कीले सर्वसाधारणहरुलाई गरेका थिए ।
