इनरुवा । सञ्चार तथा सूचना प्रविधि एवं कानुन, न्याय तथा संसदीय मामिला मन्त्री ज्ञानेन्द्र बहादुर कार्कीले आर्थिक विकास गर्न लोकतान्त्रिक बाम गठबन्धन सरकार आवश्यक रहेको बताउनुभएको छ । सुनसरीको कोसी गाउँपालिकाको लौकहीमा आयोजित नेपाली कांग्रेस सुनसरी क्षेत्र नम्बर–४ को चुनावी आमसभालाई सम्वोधन गर्नुहुँदै मन्त्री कार्कीले मुलुकमा आर्थिक विकास भएमात्र समृद्धितर्फ अग्रसर हुने बताउनुभएको हो ।
सुनसरी क्षेत्र नम्बर–४ बाट लोकतान्त्रि बाम गठबन्धनको तर्फबाट प्रतिनिधिसभा सदस्य पदका उम्मेदवार समेत रहनुभएका मन्त्री कार्कीले आज अन्तिम चुनावी आमसभामा बोल्नुहुँदै यस क्षेत्रको समग्र विकासका लागि आपूm कठिवद्ध रहेको बताउनुभयो ।
२०७४ सालको निर्वाचनमा प्रतिनिधिसभा सदस्य पदमा निर्वाचित भएका कार्कीले जनतासँग गरेको प्रतिवद्धता असी प्रतिशत पूरा गरेकाले आउने दिनमा पाँच गुणाबढी विकास गर्ने ठोकुवा गर्नुभयो ।
गुणस्तरीय शिक्षा र स्वास्थ्यमा बढी केन्द्रित हुने र विकास निर्माण कार्यहरुलाई पनि प्राथमिकता दिने उहाँले बताउनुभयो । बाढी र डुबानको समस्या, सिचाई, सुकुम्वासी समस्या, कोशी टप्पु वन्यजन्तु आरक्षको समस्यालाई सदाका लागि अन्त्य हुने गरि काम गर्ने उहाँले प्रतिवद्धता व्यक्त गर्नुभयो ।
मंसिर ४ गते हुने प्रतिनिधिसभा र प्रदेशसभा निर्वाचनमा नेपाली कांग्रेस सहितको लोकतान्त्रिक बाम गठबन्धनका उम्मेदवारहरुलाई भारी मतले बिजयी गराउन मन्त्री कार्कीले सर्वसाधारणहरुलाई अनुरोध गरेका थिए । त्यसैगरि नेपाली काङ्ग्रेसका केन्द्रिय सदस्य डा.शेखर कोइरालाले नेपाली कांग्रेसभित्र कुनै विभेद र विवाद नभएको स्पष्ट पार्नुहुँदै आपूmहरु एक ढिक्का भएर निर्वाचनमा होमिएको बताउनुभयो ।
कोइरालाले लोकतान्त्रिक बाम गठबन्धन एक ढिक्काले मंसिर ४ गतेपछी गठवन्धनको सरकार बन्ने बताउनुभएको हो ।
मोरङ निर्वाचन क्षेत्र नम्बर–६ का प्रतिनिधिसभा सदस्य पदका उम्मेदवार समेत रहनुभएका कोइरालाले लोकतान्त्रिक बाम गठबन्धनले संविधान र लोकतन्त्रको रक्षा, सुशासन, गणतन्त्र तथा संघीयतालाई बलियो बनाउने र देशको विकासका साथै नागरिकता समस्या समाधानका लागि काम गर्ने बताउनुभयो ।
त्यसैगरी नेपाली कांग्रेस सुनसरी क्षेत्र नम्बर–४ को चुनावी आमसभालाई सम्वोधन गर्नुहुँदै नेकपा एसका केन्द्रिय महफुज अन्सारीले सुकुम्वासी समस्या समाधान गर्न बन्ने लोकतान्त्रिक बाम गठवन्धनको सरकार तयार रहेको बताउनुभयो । लोकतान्त्रिक बाम गठवन्धनका साझा उम्मेदवार सुनसरी–४ बाट प्रतिनिधिसभा सदस्य पदका उम्मेदवार ज्ञानेन्द्र बहादुर कार्की, ४(क) बाट सदानन्द मण्डल र ४(ख) बाट हाजी इसराइल मंसुरीलाई भारी मतले निर्वाचित गराउन एक ठाउँमा उभिन आवश्यक रहेको उहाँले बताउनुभयो ।
