नसीम अन्सारी
भुटाहा,। सुनसरीको हरिनगर गाउँपालिकामा प्रदेश १ स्तरीय एथलेटिक्स खेलकुद प्रतियोगिता सम्पन्न भएको छ।
तीन दिने संचालन भएको प्रतियोगिता बुधबार एक कार्यक्रमकाबीच सुनसरी क्षेत्र नम्बर ४ प्रदेश (ख) प्रदेश सभा सदस्य डाक्टर इस्राईल मंसुरीको प्रमुख आथित्यतामा प्रतियोगिताको समापन गरिएको हो ।
हरिनगर गाउँपालिकाले आयोजना गरेको प्रतियोगितामा सुनसरीले ८ स्वर्ण, ९ रजत र ३ काश्य सहित २० पदकका साथ प्रथम स्थान हासिल गर्न सफल भएको हो।
प्रतियोगितामा ६ स्वर्ण, ७ रजत र ४ काश्य सहित १७ पदकका साथ झापा द्धितीय भएको छ। यस्तै ६ स्वर्ण, ६ रजत र १० काश्य सहित २२ पदकका साथ उदयपुर तेस्रो भएको छ।
तीन दिनसम्म चलेको प्रतियोगितामा प्रदेश १ का ६ जिल्लाको खेलाडीले प्रतिष्पर्धा गरेको आयोजक हरिनगर गाउपालिकाका खेलकुदका सदस्य अजमेर अलिले जानकारी दिनुभयो ।
प्रदेश १ स्तरीय एथलेटिक्स खेलकुद प्रतियोगिताको समापन कार्यक्रममा बोल्दै प्रदेश सभा सदस्य मंसुरीले खेलाडिको काँधमा देशको गौरवको विषय जोडिएको बताए । अहिलेको परिपेक्षमा विवेकको शिक्षाको आवस्यक्ता रहेको बताउँदै उनले विद्यालयमा नविन शिक्षा हुनुपर्नेमा जोड दिएका थिए ।
हरिनगरमा प्रदेश १ स्तरीय एथलेटिक्स खेलकुदको आयोजना गरेर यो क्षेत्रको इकोनमी मोविलिटि बढेसँगै, यो ठाँउको हिमाली जिल्लासम्म प्रचारप्रसार हुने उनले भने । सुनसरीको दक्षिण सीमावर्ती क्षेत्रमा रहेको हरिनगर गाउँपालिकाले खेलकुदको मार्फतबाट पहिचान कायम गर्न सफल भएको उनले बताए ।
त्यसैगरी कार्यक्रमलाई सम्वोधन गर्दै हरिनगर गाउँपालिका अध्यक्ष गफार अन्सारीले प्रत्येक बर्ष प्रतियोगिता आयोजना गर्ने गरेको बताए । आफू स्थानीय तहको निर्वाचनमा विजयी भएदेखी नै सबै क्षेत्रमा विकासको अभियान चलाएको उनले बताए ।
भौतिक काममा पनि हरिनगर गाउँपालिकाले प्रदेश १ मै सबै भन्दा धरै काम गरेको उहाँको दावी छ । धेरै विद्यालय नयाँ बन्दै गएको उल्लेख गर्दै उहाँले विधुतिय प्रणालीबाट पढाइको काम सुरु गरेको बताए ।
प्रतियोगितामा बिजयी भएका खेलाडीहरुलाई सिल्ड मेडल र प्रमाण पत्र वितरण गरिएको थियो । हरिनगर गाउँपालिकाका अध्यक्ष गफार अन्सारीको अध्यक्षतामा सम्पन्न भएको थियो । हरिनगर गाउँपालिकाका शिक्षा शाखाका अजित कुमार मल्लिकले कार्यक्रम संचालन गरेका थिए ।
कार्यक्रममा विशेष अथिति सुनसरी क्षेत्र नम्बर ४ प्रदेश (क) प्रदेश सभा सदस्य सदानद मण्डल, सुनसरीका प्रमुख जिल्ला अधिकारी हुमकला पाण्डे र हरिनगर गाउँपालिकाका उपाध्यक्ष रिमझिम कुमारी भगत अथितिहरु नेपाली काँग्रेस सुनसरी क्षेत्र नम्बर ४ प्रदेश (ख) का सभापति भिखारी मण्डल, उपसभापति शिवहरि क्षेत्र र सचिव नईम अन्सारी, हरिनगर-१ का वडा अध्यक्ष प्रवीण प्रसाद गुप्ता, ३ का वडा अध्यक्ष अरविन्द मेहता, ४ का वडा अध्यक्ष देवनारायण मेहता र ५ का वडा अध्यक्ष सिगमलाल यादव लगायत सबै विद्यालयका प्रअ तथा शिक्षक, शिक्षिका खेलाडी विद्यार्थीसहितकाे सहभागी रहेका थियो ।
