सुकदेब चौधरी
इनरुवा । रंगहरुको पर्व भनेर चिनिने होलीलाई लक्षित गरी थारु भाषामा गायक कुलदिप चौधरीको स्वर रहेको होलि गित सार्वजनिक भएको छ ।
थारु कला संस्कृतिको संरक्षण र सम्वद्र्धन गर्नका लागि होलीको विभिन्न पक्षहरुलाई समेटिएर थारु समुदायलाई सन्देश दिने होली गित बजारमा ल्याएको गायक चौधरीले बाताउनु भयो ।
विगत ढेड दशक देखि स्थानीय पपुलर एफएमबाट प्रशारित हुने बरेलीबाली चेतना मुलक मैथली नाटक संचालन गर्दै आएका चौधरी बहुप्रतिभाशाली व्यक्ति रहेका छन् ।
गायक चौधरी आफैले समसामयीक विषय वस्तुहरु समेटिएर गित लेखने तथा सोही बमोजिम आफैले स्वर दिने जस्ता कार्यले हरेक गितले सन्देश दिने गरेका हुन्छन ।
यस वर्षको होली गित चौधरीको आफ्नै युटुब च्यानल केपिस मार्फत सार्वजनिक भई थारु तथा अन्य मैथली क्षेत्रमा समेत भाइरल हुने गरेको उनको भनाई रहेको छ ।
उक्त होली गितको संगीत गायक चौधरीकै रहेको छ भने दोयटमा गायिका सानू मायाले साथ दिएकी छिन । यस गितको डाइरेकसन आस थारुको रहेको छ भने क्यामेरा सावन चौधरीले चलाएका छन ।
गितका मोडेलहरु नवीन लेखी, निकिता, सुजु, पुष्प चौधरी, भागबत माझी र आशिका ख्वास रहेका छन। यस गितको मिक्सिङ कोलोर विशाल चौधरीले करेका छन । सो गित गत फाल्गुन ६ गते केपीएस नेपाल युटयुव च्यानलबाट सार्वजनिक भएको छ ।
