इनरुवा । नेपाली कांग्रेस सुनसरीले पार्टी सुदृढीकरण अभियान जेठ महिनाको पहिलो हप्ताबाट शुभारम्भ गर्ने निर्णय गरेको छ ।
नेपाली कांग्रेस सुनसरीको पार्टी कार्यालय इनरुवामा बसेको बैठकले १२ वटै स्थानिय तहमा पार्टी सुदृढीकरण अभियान सुचारु गर्ने निर्णय भएको पार्टीका सचिव वीरेन्द्रकुमार शाहले बताए ।
सुनसरी कांग्रेसका सचिव शाहले जेठ महिनाको पहिलो हप्ताबाट अभियान शुभारम्भ गर्ने कार्यतालिका पनि सार्वजनिक भएकोले एक सय २४ वटै वडाको सम्मेलन जेठ ६ गते गर्ने र अन्य तहगत सम्मेलन गर्ने निर्णय भएको सुनसरी अनलाईनलाई जानकारी दिए ।
यसैगरि वीपी स्मृति दिवसको अवसरमा जिल्ला सम्मेलन उद्घाटन एवं इनरुवा–९ बविया स्थित वीपीको शालिक अनावरण आगामी श्रावण ६ गते गर्ने पार्टीले निर्णय गरेको छ ।
बैठकले नेपाली कांग्रेस सुनसरीको प्रशिक्षण शाखाको प्रमुखमा पार्टीका उपसभापति पंकजकुमार महतो, अनुशासन विभाग प्रमुखमा पार्टीका जिल्ला सचिव माधवबहादुर घिसिंग, संगठन विभाग प्रमुखमा संजयप्रसाद श्रेष्ठ र पार्टी प्रवक्तामा सुनसरी कांग्रेसका सचिव वीरेन्द्रकुमार शाहलाई नियुक्त गरेको छ ।
नेपाली कांग्रेस सुनसरीले सार्वजनिक गरेको कार्यतालिका जस्ताको त्यस्तै ।
