सुनसरी । मुस्लिम समुदायको अगुवा मुस्लिम नेताहरुले आज सामाजिक सद्भाव कायम गर्न उपप्रधान तथा गृहमन्त्री नारायणकाजी श्रेष्ठको ध्यानाकर्षण गराएका छन् ।
मुस्लिम समुदायका अगुवा नेताहरुले सलार्ही लगायत अन्य जिल्लाहरुमा हिन्दु र मुस्लिम समुदायबीच धार्मिक द्वन्द्व सिर्जना गराउन खोज्नेहरु सक्रिय रूपमा लागि परेको हुनाले यसलाई नियन्त्रण गर्न गृहमन्त्री श्रेष्ठलाई आग्रह गरेका छन् ।
मुलुकमा धार्मिक र जातीय द्वन्द्व गराउन खोज्नेहरुको पहिचान गरी कानुनको दायरामा ल्याउन आवश्यक रहेको मुस्लिम समुदायका अगुवा नेताहरुको भनाई छ ।
मुलुकमा शान्ति सुरक्षा व्यवस्था कायम गराउन र धार्मिक द्वन्द्व सिर्जना नहुन दिनका लागि गृहमन्त्री श्रेष्ठलाई मुस्लिम अगुवा नेताहरूले जानकारी गराएका छन ।
शान्ति सुरक्षा तथा अमनचयन कायम गर्नका लागि प्रशासनको अहम भुमिका रहेकाले प्रहरी प्रशासनले अप्रिय घटना नहुन दिनका लागि प्रहरी सजग र सतर्क रहनुपर्नेमा उनिहरुले जोड दिएका छन् ।
मुस्लिम अगुवा नेताहरु समिम अन्सारी , खालिद सिद्दिकी, अब्दुल खान,युवा नेता डा. अबुल अन्सारी सहितको टोलिले गृहमन्त्री श्रेष्ठको ध्यानाकर्षण गराएका छन् ।
मुस्लिम अगुवा नेताहरुको प्रश्नको जवाफ दिदै उपप्रधान एवं गृहमन्त्री श्रेष्ठले मुलुकमा अमनचयन, शान्ति कायम गर्न आफू लागि परेको बताएका छन् ।
कुनै पनि अप्रिय घटना नहुन दिनका लागि सबैसँग सहकार्य, एकता र सहमतिबाट निकास दिनुपर्ने उनले बताए ।
