कुमोद अधिकारी
बिराटनगर । नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय इटहरीका प्रमुख एंव प्रहरी उपरीक्षक सरोज पौडेल र जिल्ला ट्राफिक प्रहरी कार्यालय मोरङका प्रमुख सुमन न्यौपानेलाई सम्मान एंव स्वागत गरिएको छ ।
बिराटनगरमा आयोजित कार्यक्रममा सामुदायिक प्रहरी सेवा केन्द्र तिनपैनी, थारु कल्याणकारिणी सभा समिति विराटनगर, आदिबासी जनजाती महासंघ कटहरी तथा श्रीहरि सत्संघ समिति नेपालले सयुंक्त रुपमा उहाँहरुलाई सम्मान गरेको हो ।
सामुदायिक प्रहरी केन्द्रकी अध्यक्ष मिना जोशी ,सामुदायिक प्रहरी केन्द्रका उपाध्यक्ष एंव पुर्व प्रहरी उपरीक्षक विद्यानन्द माझी, सल्लाहकार एंव उधोगी समाजसेवी नन्दकिसोर राठी, श्री हरि सत्संग समितिका अध्यक्ष भिखमचन्द सरल लगायतले उहाँहरुलाई स्वागत एंव सम्मान गर्दै सफल कार्यकालको शुभकामना व्यक्त गर्नुभयो ।
कार्यक्रममा बोल्नुहुदै प्रहरी उपरीक्षक पौडेलले ट्राफिक व्यवस्थापन, राजमार्ग सुरक्षा लगायत आफुले पाएको जिम्मेवारीलाइ गम्भिरताका साथ पूरा गर्ने बताउनुभयो ।
ट्राफिक व्यवस्थापनका विषयमा कार्यालयले ट्राफिक सचेतना अभियान सञ्चालन गरिरहेको भन्नुहुँदै उहाँले त्यस विषयमा आम नागरिक सचेत हुनुपर्नेमा जोड दिनुभयो ।
