सुरेन्द्र कुशवाहा
भोक्राहा। नेपाल कुशवाहा कल्याण समाज भोक्राहा नरसिंह गाउँपालिका इकाइद्वारा आयोजित कुशवंशी मिलन,चियापान समारोह तथा शुभकामना आदानप्रदान कार्यक्रममा तीन जना सञ्चारकर्मी सम्मानित भएको छ ।
कार्यक्रममा सम्मानित हुनेहरुमा पत्रकार सुरेन्द्र कुशवाहा, मकालु टेलिभिजन बिराटनगरका संवाददाता सन्तोष मेहता र रेडियो नागरिकका संवाददाता डुमरलाल मेहता रहेका छन् । उनिहरुलाई नेपाल कुशवाहा कल्याण समाजले सम्मान पत्रसहित दोसल्ला अबिरको टीका लगाई सम्मान गरेको भोक्राहा नरसिंह कुशवाहा कल्याण समाजका अध्यक्ष मधुलाल मेहताले जानकारी दिएका छन् ।
कार्यक्रमका प्रमुख अतिथि नेपाल सरकारका सह – सचीव एवम् इटहरी उपमहानगरपालिकाका प्रमुख प्रशासकीय अधिकृत राम चरीत्र मेहताले कार्यक्रमको उद्घाटन गरेका थिए ।
कार्यक्रम नेपाल कुशवाहा कल्याण समाज भोक्राहा नरसिंह गाउँपालिका इकाईका अध्यक्ष मधुलाल मेहताको अध्यक्षतामा शुभकामना आदानप्रदान कार्यक्रम पालिकाको वडा नम्बर-६ मा आज सम्पन्न भएको हो ।
त्यसैगरी नेपाल कुशवाहा कल्याण समाजका केन्द्रिय उपाध्यक्ष जय प्रकाश मेहताले लव कुश लगायत कुशवाहा समाजको बारेमा वर्णन गर्दे शुभकामना दिएका थिए ।
कार्यक्रमा कोशी प्रदेशसभा सदस्य रामप्रसाद मेहता, नेपाल कुशवाहा कल्याण समाजका केन्द्रिय सचिव बिरेन्द्र केएम, भोक्राहा नरसिंह-१ का अध्यक्ष लक्ष्मण मेहता, नेपाल कुशवाहा बचत तथा ऋण सहकारी संस्था इनरुवा अध्यक्ष अर्जुन मेहता, लगायत कुशवाहा बुद्धिजिविहरुको उपस्थिति रहेकोे थियो ।
नेपाल कुशवाहा कल्याण समाजले पाँच जना अवकाश पाएका शिक्षकहरुलाई समेत सम्मान गरेको छ । सम्मानित पूर्व शिक्षकहरु राम प्रसाद मेहता,देव नारायण मेहता, देव चरण मेहता,रामदेव मेहता ,सत्यनारायण मेहता रहेका छन् ।
यस्तै समाजले विभिन्न क्षेत्रमा योगदान पुर्याएको भन्दै डाक्टरहरु राजेश मेहता, उपेन्द मेहता, र निर्वाचित जनप्रतिनिधिहरुमा लक्ष्मण मेहता, अकल देव मेहता, बलदेव मेहता, शिव नारायण मेहतालाई सम्मान पत्र र दोसल्ला ओढाएर सम्मान गरेका हुन् ।
यस्तै कार्यक्रममा कुशवाहा समाजले बाल मन्दिर माविका तीन जना बालकलाकार सम्मान गरेका छ्न।
कार्यक्रममा विशिष्ट अतिथिहरु धर्मवीर आर्य,राजेन्द्र प्रसाद मेहता, बुद्धिजीवी समाजका अध्यक्ष अधिवक्ता पंचदेव मेहता, अतिथिहरुमा सुखसेना शाखाका अध्यक्ष सुकदेव मेहता , श्री आधारभुत विद्यालय भोक्राहा नरसिंह-२ का व्यवस्थापन समिति अध्यक्ष राजाराम मेहता, प्रधानाध्यापक सुर्य नारायण मेहता, कोशी गाउँपालिका कुशवाहा समाज अध्यक्ष चन्द्रदेव मेहता,दिनेश मेहता, उर्मिला मेहता ,देवकी देवि मेहता , ममता देवि मेहता लगायतका समेत सहभागिता रहेको आयोजकले जनाएको छ ।
