टोमराज मेहता
इनरुवा । नेपाल पिछडावर्ग महासंघ सुनसरीको पहिलो बैठकले तीन बुँदे निर्णय गरेको छ । नेपाल पिछडावर्ग महासंघ सुनसरीको हिजो बसेको बैठकले तीन बुँदे निर्णय गरेको हो ।
नेपाल पिछडावर्ग सुनसरीका अध्यक्ष आलम अन्सारीको अध्यक्षतामा बसेको बैठकले सुनसरीको १२ वटै स्थानिय तहरुमा कार्यसमिति गठन गर्ने, महासंघको कार्यालय खोल्ने र कर्णाली प्रदेशको जाजरकोट र रुकुम पश्चिम गएको भूकम्प पीडितहरुलाई सहयोग गर्ने लगायतको निर्णय गरेको छ ।
नेपाल पिछडावर्ग महासंघ केन्द्रिय कार्यालयको पत्र अनुसार १२ वटै स्थानिय तहरुमा पालिका स्तरीय कार्यसमिति गठनका लागि पत्राचार गर्ने निर्णय गरेको महासंघ सुनसरीले जनाएको छ ।
नेपाल पछिडावर्ग महासंघ सुनसरीको कार्यालय स्थापनाका लागि भोक्राहा नरसिंह–४ अन्तरगतको नहर चौक मेन हाइवेदेखि उत्तर साइडमा रहेको दुईतल्ले भवनको माथि तल्लामा भाँडामा लिई नियमित कार्यालय संचालन बैठकले निर्णय गर्ने गरेको छ ।
त्यसैगरी कर्णाली प्रदेशको जाजरकोट र रुकुम पश्चिम गएको भूकम्प पीडितहरुलाई सहयोग उपलब्ध गराउन प्रयास गर्ने र भूकम्पमा ज्यान गुमाएकोप्रति श्रद्धाञ्जली अपर्ण र घाइतेहरुको शीघ्र स्वास्थ्य लाभको कामना गर्ने सो बैठकबाट निर्णय भएको बैठकमा सहभागि भएका महासंघ भोक्राहा नरसिंह गाउँपालिकाका सभापति जय प्रकाश ठाकुरले जानकारी दिए ।
