भोक्राहा । सुनसरीकाे भोक्राहा नरसिंह-४ काे ईदगाह खेल मैदानमा जारी पहिलो वडा अध्यक्ष कप फुटबल प्रतियोगिताको चौथो खेलमा आज भोक्राहा नरसिंह-१ विजयी भएको छ ।
अव्वाम युवा उत्थान केन्द्र भोक्राहा नरसिंह-४ को आयोजना र भोक्राहा नरसिंह-४ नम्बर वडा कार्यालय एवं भोक्राहा नरसिंह गाउँपालिकाको आर्थिक सहयोगमा बिहीबारबाट आयोजित पहिलो वडा अध्यक्ष कप फुटबल प्रतियोगिताको चौथो दिनको खेलमा भोक्राहा नरसिंह-८ लाई हराउँदै भोक्राहा नरसिंह-१ बिजयी भएको हो ।
भोक्राहा नरसिंह-८ ले १ गोल गरेको थियो भने भोक्राहा नरसिंह-१ ले ४ गोल गर्दै भोक्राहा नरसिंह-१ बिजयी बनेको आयोजक संस्थाका काेषाध्यक्ष फिरोज अन्सारीले जानकारी दिए ।
“स्वास्थ्यको लागि खेलकुद,राष्ट्रको लागि खेलकुद” भन्ने नाराका साथ पहिलो वडा अध्यक्ष कप फुटबल प्रतियोगिता ईदगाह खेल मैदान कब्रिस्थानको अगाडी प्रतियोगिता जारी छ ।
भोक्राहा नरसिंह गाउँपालिकाका आठवटा टिमको सहभागिता रहेको प्रतियोगिताको फाइनल खेल कार्तिक ३० गते हुनेछ । प्रथम हुने टिमलाई ३० हजार नगद, सिल्ड मेडल, प्रमाणपत्र र दोस्रो हुनेलाई २० हजार नगद,सिल्ड वितरण गरिने आयोजकले जनाएको छ ।
भोलि सोमबार ग्रुप बिको पहिलो सेमिफाइनल खेलमा भोक्राहा नरसिंह-४ र ६ बिच प्रतिस्पर्धा हुँदैछ ।
