कुमोद अधिकारी
विराटनगर । विराटनगर महानगरपालिकाका प्रमुख नागेश कोइरालाले विराटनगर शैक्षिक क्षेत्रको हववन्दै गएको बताउनु भएको छ ।
विराटनगर स्थित ग्रिनल्याण्ड कलेजले एमविविएस प्रवेश परिक्षामा पुर्ण छात्रवृतिमा नाम निकाल्न सफल भएका विधार्थीलाई मंगलवार कलेजमा आयोजना गरेको सम्मान कार्यक्रममा उहाँले काठमाण्डौ पछि विराटनगर शैक्षिक क्षेत्रको हव बन्दै गएकोमा खुशी व्यक्त गर्दै कलेजहरुको प्रयासले यो सम्भव भएको बताउनुभयो ।
डाक्टर इन्जिनियर जस्तै कानून व्यवसायी तथा मेनेजमेन्ट जस्ता अन्य उपयोगी शिक्षालार्ई पनि कलेजले महत्व दिनु पर्ने उहाँको भनाई थियो ।
शिक्षा क्षेत्रलाई थप व्यवस्थित गर्न तीनै तहको सरकार विच सम्वन्य तथा सहकार्य आवश्यक रहेको मेयर कोइरालाको बताउनुभयो ।
कलेजका संस्थापक राजिव मिश्राले २०८० सालको एमविविएस परिक्षामा छात्रवृतिका लागि नाम निकाल्न सफल हुनु भएका आठजना छात्रछात्रालाई कलोजले सम्मान गरेको बताउदै नाम निकाल्न सफल विधार्थीहरुले भारत ठुलाठुला कलेजमा समेत अध्यानका लागि नाम निकालेको बताउनुभयो ।
एमविविएस परिक्षामा सो कलेजका विधार्थीहरु इशान यादव, अमित यादव, रोहन प्रभाकर, सविता चौधरी, कृपा खडका, शत्रुधन प्रसाद साह,अनमोल झा तथा इशान सिंह यादवले नाम निकल्न सफल हुनु भएको हो ।
कलेजका प्राध्यापक शिव नारायण यादवले विधार्थीहरुको मेहनत र परिश्रमका कारण कोशी प्रदेशमै यो कलेजले एमविविएसका लागि सवैभन्दा वढि विधार्थीले छात्रवृतिका लागि नाम निकालेको समेत बताउनुभयो ।
