बाबुराम मुडियारी
विराटनगर । विराटनगर महानगरपालिका–४ मा श्रीमद् देवी भागवत नवाह ज्ञान महायज्ञ सुरू भएको छ।
सो महायज्ञको पुर्वसंन्धामा कलश यात्रा निकालिएको थियो। कलश यात्रा श्री विन्ध्यावासिनी दुर्गा पञ्चायन मन्दिर देखि विराटनगरको विभिन्न स्थान को परिक्रमा गर्ने कार्यक्रम रहेको थियो ।
श्री विन्ध्यावासिनी दुर्गा पञ्चायन मन्दिर विराटनगर देखी सुभारम्भ गरी खारजी कोहवरा चौक, राजवंशी चौक, पुष्प लाल चौक , पानी टंकी चौक, तिनपैनी चौक, जलजला चौक, ट्रफिक चौक, रोडशेष चौक हुदै वरगाछी चौक, खारजी कोहवरा चौक हुदै पुन: मन्दिर आई कलश यात्रा विसर्जन गरिएको थियो । कलश यात्रा मा पञ्चेबाजाका झाँकी हरू सहित सयौंको संख्यामा श्रद्धालु भक्तजनहरूको सहभागिता रहेको थियो।
श्री विन्ध्यावासिनी दुर्गा पाञ्चायन मन्दिर ब्यबस्थापन समिति खार्जी विराटनगरको आयोजनामा आज मंसिर २७ गते बुधवार देखि पौष ५ गते बिहीवारसम्म श्रीमद् देवी भागवत नवाह ज्ञान महायज्ञ हुने भएको हो ।
विराटनगर महानगरपालिका वडा नंं ४ खार्जी कोहवराचौकबाट ५ सय मिटर पश्चिम रहेको श्री विन्ध्यावासिनी दुर्गा पाञ्चायन मन्दिरमा श्रीमद् देवी भागवत नवाह ज्ञान महायज्ञमा भागवत मञ्जरी श्री राधिका दासीले कथा वाचन गरिरहेको आयोजकले जनाएको छ ।
नवाह ज्ञान महायज्ञबाट प्राप्त सहयोगबाट निर्माणधिन रहेको विन्ध्यावासिनी दुर्गा पाञ्चायन मन्दिरको भवनलाई पूर्णता दिने महायज्ञको मुख्य उद्देश्य रहेको श्रीमद् देवी भागवत नवाह ज्ञान महायज्ञ मुल आयोजक समितिका संयोजक नवराज नेपाल ले जानकारी दिनु भएको छ ।
राधिका दासीले विराटनगरमा पहिलो पटक कथा वाचन गर्ने भएकाले नवाह ज्ञान महायज्ञमा श्रद्धालु भक्तजनहरुलाई उपस्थितीका लागि आयोजकले अनुरोध गरेको छ ।
