इनरुवा । सुनसरीको भोक्राह नरसिंह-४ का वडा अध्यक्ष हारुन अन्सारीले प्रधानमन्त्री पुष्पकमल दाहाल ‘‘प्रचण्ड’ लाई नागरिक अभिनन्दनले सम्मान गर्नुभएको छ ।
भाेक्राहा नरसिंह गाउँपालिका-४ स्थित ४०० केभी क्षमताकाे इनरुवा सबस्टेशन उद्घाटन गर्न आइपुग्नु भएका प्रधानमन्त्री ‘प्रचण्ड’ लाई एक कार्यक्रमका बिच वडा अध्यक्ष अन्सारीले नागरिक अभिनन्दनबाट सम्मान गर्नुभएको हो ।
नेपाल मुस्लिम संघ सुनसरीका सभापति समेत रहनुभएका वडा अध्यक्ष अन्सारीले आफ्नो वडामा प्रधानमन्त्रीको आगमनले वडाका जनता गर्भान्वित भएकोले उहाँलाई नागरिक अभिनन्दन पत्रबाट सम्मानित गरिएको बताउनुभयो ।
नागरिक अभिनन्दन पत्रमा भनिएको छ, जन्म र मृत्यु हाम्रो नियन्त्रणमा छैन तर यो बिचमा गर्ने हरेक क्रियाकलापले मानव जीवन अजर अमर दिलाउने पहिचान दिलाउने गर्दछ्न । मानव जाती अन्य जीवनभन्दा अन्य विशिष्ट छ , हामी यो विशिष्टतालाई आफुमा आन्तरिकीकरण गरौं । मानव भएर जन्मेपछी हाम्रो लागि यो ठुलो अवसर हो । होइन भने हामी अन्य प्राणि भन्दा पृथक रहन सक्दैनौं ।
जन्मसिद्ध श्रेष्ठताको सामन्तवादी प्रणाली अधारित र जवर्जस्ती थोपारिएको राजतन्त्रको अन्त्य गरेर गणतन्त्र स्थापनाको सपना देखाउने र तिनै सपनाद्वारा हामिलाई गणतान्त्रिक आन्दोलनमा मार्गदर्शन गर्नुहुने गणतन्त्रका सम्वाहक हजुरलाई भोक्राहा नरसिंह गाउँपालिकाका वडा नम्बर-४ को तर्फबाट नागरिक अभिनन्दन टक्रयाउँदछौं, वडा अध्यक्ष अन्सारीद्वारा हस्ताक्षरित नागरिक अभिनन्दन पत्रमा उल्लेख गरिएको छ ।
प्रधानमन्त्री ‘प्रचण्ड’ ले नागरिक अभिनन्दन बुझदै वडा अध्यक्ष अन्सारीलाई धन्यवाद दिनुभएको छ। नागरिक अभिनन्दन पत्रमा लेखिएको शब्दले मन छोएको प्रधानमन्त्री ‘प्रचण्ड’ ले बताउनु हुँदै आगामी दिनमा सबैको साथ र सहयोगले जनताको काममा अहोरात्र खटने र समस्या समाधान तर्फ लागि पर्ने बताउनुभयो ।
