हरिनगरा । सुनसरीको हरिनगर गाउँपालिका वडा नम्बर–४ स्थित श्री जय भवानीको बचत तथा ऋण सहकारी संस्था लिमिटेड हरिनगरको १७ औं साधारण सभा शनिवार सम्पन्न भएको छ ।
हरिनगर माध्यमिक विधालय हरिनगर–४ मा श्री जय भवानीको बचत तथा ऋण सहकारी संस्था लिमिटेडको १७ औं साधारण सभा सम्पन्न भएको हो ।
श्री जय भवानीको बचत तथा ऋण सहकारी संस्था लिमिटेडको अध्यक्ष खेलानन्द देवको अध्यक्षतामा सम्पन्न भएको सो कार्यक्रममा हरिनगर गाउँपालिकाका अध्यक्ष हाजी गफार अनसारीको प्रमुख आतिथ्यमा १७ औं साधारण सभा सम्पन्न भएको छ ।
हरिनगर गाउँपालिकाका अध्यक्ष अन्सारीले सहकारीको संस्थागत विकासका लागि पालिकाले खेल्नुपर्ने भूमिकामा कमि नगरेको बताएका छन् । सहकारीको हकहितका लागि पालिकाका चाल्नुपर्ने सम्पूर्ण कदम चालेको र काम गर्दै आइरहेको उनले बताएका छन् ।
पालिकाकाभित्र सहकारीमैत्री बनाउन लागि परेको बताउँदै उनले सहकारी ऐन जारी गरेर काम नगर्ने सहकारीहरुलाई खारेजी प्रक्रियामा लैजाने बताएका छन् ।
सहकारीले पालिकाको विकासमा थप मदत पुगेको उनले बताउँदै सहकारीले सर्वसाधारणहरुको जीविकोपार्जनमा र सहुलियत व्याजदरमा ऋण उपलब्ध गराउँदै आएकोले समयमा व्याज तिनुपर्ने र बचत गर्नुपर्नेमा जोड दिएका थिए ।
श्री जय भवानीको बचत तथा ऋण सहकारी संस्था लिमिटेडले २०७९÷०८० मा ऋण प्रवाहबाट प्राप्त व्याज २९ लाख ५१ हजार १ सय २६ रुपैयाँ र अन्य आम्दानीबाट एक लाख ४० हजार ४ सय ४४ रुपैयाँ गरी कुल आम्दानी ३० लाख ९१ हजार ५ सय ६६ रहेको छ ।
त्यसैगरी कर्मचारी पारिश्रमिकमा ४ लाख ८४ हजार ७ सय ३ रुपैयाँ र व्याज खर्च ११ लाख २२ हजार ९५ रुपैयाँ एवं वित्तिय सबै संचालन खर्च ८ लाख ४२ हजार ३ सय २२ गरी कुल खर्च २४ लाख ४९ हजार १ सय २० रुपैयाँ कट्टा गरी खुद मुनाफा ६ लाख ४२ हजार ४ सय ४५ रुपैयाँ रहेको संस्थाका अध्यक्ष खेलानन्द देवद्वारा प्रस्तुत प्रतिवेदनमा उल्लेख गरिएको छ ।
हरिनगर गाउँपालिकाकी उपाध्यक्ष रिमझिम कुमारी भगतले संस्थामा आवद्ध भएका वा नभएकाहरुलाई संस्थामा आवद्ध भएर बचत गर्नुपर्नेमा जोड दिएकी थिईन् । पालिकाबाट आपूm समन्वय र सहकार्य गर्न तयार रहेको समेत उनले बताईन् ।
त्यसैगरी हरिनगर गाउँपालिका वडा नम्बर–४ का वडाध्यक्ष देव नारायण मेहताले सहकारीबाट सबैलाई फाइदा पुगेको बताए । साधारण सभाबाट नयाँ नेतृत्व चयनबाट सहकारी अझै चलायमान हुने उनले बताए ।
सहकारीले बिभिन्न क्षेत्रका व्यक्तित्वहरुलाई सम्मान समेत गरिएको थियो । कार्यक्रम सहकारीका शिवहरी श्रेष्ठले संचालन गरेका थिए ।
