कुमोद अधिकारी
विराटनगर । मानव बेचबिखन तथा ओसार पसार विरुद्धको अभियानलाई प्रभाकारी बनाउन मोरङका पालिकाहरूमा ओसार पसार विरुद्धको समिति गठन हुन थालेको छ ।
माइती नेपाल विराटनगर कार्यालयले मोरङ जिल्लाको लेटाङ नगरापालिका, सुन्दरहरैचा नगरपालिका, केराबारी गाउँपालिका र जहदा गाउँपालिकामा पालिका मानव वेचविखन ओसार पोसार विरुद्धको पालिका स्तरीय समिति गठन गरेको माइती नेपाल मोरङका संयोजक विनोद पोख्रेलले बताउनुभयो ।
मानव बेचबिखन विरुद्धको कामलाई थप प्रभावकारी बनाउन वडा तह सम्म समिति गठन गर्दै मानव वेचविखन तथा ओसार पोसार विरुद्धको अभियानलाई तिव्र वनाउने तयारीमा आफुहरु रहेको संयोजक पोखरेलले वताउनुभयो ।
समितिमा मानव अधिकार क्षेत्रमा काम गर्ने सामाजिक संघ संस्थाका प्रतिनिधि, नागरिक समाजका अगुवा, जनप्रतिनिधि, शिक्षक, प्रहरी र बाल क्लबका सदस्य समेत आबद्ध छन् ।
सो अभियान अन्र्तगत समितिले विराटनगर महानगरपालिका वडा नम्बर ८ मानव बेचबिखन तथा ओसार पसार विरुद्धको सञ्जाल समिति गठन गरिएको छ । वडाध्यक्ष राम पोख्रेलको अध्यक्षतामा भएको कार्यक्रममा लक्ष्मी आचार्यको संयोजकत्वमा सात सदस्यीय समिति गठन गरिएको छ । समिति सचिवमा भुवन राजवंशी रहेको माइती नेपालका काउन्सीलर गीताञ्जली शर्माले बताउनुभयो ।
समिति गठनले वडा तहमा महिला तथा बालिबालिका माथि हुने हिंसा र विभेद घटाउन मद्दत पुग्ने वडाध्यक्ष पोख्रेलले बताउनुभयो । वडा अध्यक्ष पोखरेलले समितिले वडा स्तरमा विभिन्न कार्यक्रम संचालन गरि यो अभियानलाई प्रभावकारी रुपमा अघि वढाउने वताउनुभयो ।
मानव वेचविख तथा ओसार पोसार विरुद्धको अभियानलाई माइती नेपालले मोरङ जिल्लाका महानगरपालिका सहित १७ वटै पालिकामा तिव्रता दिदै आएको माइती नेपालका संयोजक विनोद पोख्र्रोलले वताउनुभयो ।
