इनरुवा । नेपाली कांग्रेस सुनसरीले राष्ट्रिय सभा सदस्य निर्वाचन उम्मेदवारका लागि ६ जनाको नाम सिफारिस गरेको छ ।
आगामी माघ ११ गते सम्पन्न हुन लागेको राष्ट्रिय सभा सदस्य निर्वाचनका लागि सुनसरीबाट ६ जनाको नाम नेपाली कांग्रेस कोशी प्रदेश विराटनगरलाई सिफारिस गरेको हो ।
नेपाली कांग्रेस सुनसरीको संसदीय दलको आज बसेको बैठकले सर्वसम्मत रुपले राष्ट्रिय सभा सदस्य पदका उम्मेदवारका लागि नाम सिफारिस गरिएको नेपाली कांग्रेस सुनसरीले जनाएको छ ।
खस आर्य महिलातर्फ धरान उपमहानगरपालिकाकी उमा बास्तोला, रामधुनी नगरपालिकाकी बिजया कटुवाल र इनरुवा नगरपालिकाबाट मिरा पोखरेल र खस आर्य तथा अन्यबाट धरान उपमहानगरपालिकाका गिरीराज आचार्य, इनरुवा नगरपालिकाका नन्द सिग्देल र इटहरी उपमहानगरपालिकाबाट जगदिशप्रसाद ओलीको नाम संसदीय दलको बैठकले सर्वसम्मत रुपले नाम सिफारिस गरिएको नेपाली कांग्रेस सुनसरीका सचिव बीरेन्द्रकुमार शाहले जानकारी दिएका छन् ।
