ग्रामथान । मोरङको ग्रामथान गाउँपालिकाले ७ वटै वडाका उपभोक्ता समिति तथा अनुगमन समितिहरूलाई विकास निमार्ण कार्य संञ्चालन गर्नु पूर्व अभिमुखीकरण कार्यक्रमको सम्पन्न गरेको छ ।
विभिन्न वडाहरूमा चालु आर्थिक बर्षको विकास निमार्ण कार्यहरू, स्थानीय उपभोक्ताहरू मार्फत गर्नुपर्ने विकास निर्माण कार्य गर्नका लागि गठन गरेको उपभोक्ता समिति र अनुगमन समितिका पदाधिकारीहरुलाई अभिमुखिकरण कार्यक्रम मार्फत जानकारी गराएको हो ।
अभिमुखीकरण कार्यक्रममा उपभोक्ता समिति तथा अनुगमन समितिहरूका पदाधिकारीहरुले विकास योजना संञ्चालन गर्दा ध्यान दिनुपर्ने निति नियम सम्बन्धी तथा विकास योजना संञ्चालन गरी समितिले भुक्तानी निकासा लगायतका प्रकृया सम्बन्धी जानकारी गराएको थियो ।
अभिमुखीकरण कार्यक्रममा गाउँ पालिकाका अध्यक्ष जय प्रकाश गच्छदार थारू, गाउँ पालिका उपाध्यक्ष तथा गाउँ पालिकाका अनुगमन समिति संयोजक गुनावती देवी धामी थारू, प्रमुख प्रशासकिय अधिकृत हरी भट्टराई, वडा अध्यक्षहरू, वडा सदस्यहरू, योजना शाखाका टेकनाथ घिमिरे, केदार त्रिताल , लेखा शाखाका कर्मचारी, प्राविधिक शाखाका कर्मचारी, लगायतले उपभोक्ता समिति तथा अनुगमन समिति का पदाधिकारीहरु लाई विकास निर्णय कार्य संञ्चालन गर्नु पूर्व तथा भुक्तानी निकासा लिने सम्बन्धी नीति नियम र प्रकृया सम्बन्धी सहजीकरण गर्नुभएको थियो ।
गाउँपालिकामा उपभोक्ताहरूले विकास निर्माण योजनाका कार्य गर्दा विकास निर्माणकार्यको भुक्तानी लिन धेरै नै कठिनाई तथा झन्झटिलो भएकोले गाउँपालिकाले उपभोक्ता समितिले गर्ने विकास योजनाहरूमा सहज र सरल प्रकृयाको निति नियम बनाउनुपर्ने अभिमुखीकरण कार्यक्रममा सहभागिहरूले उपभोक्ता समितिका पदाधिकारीहरूले माग गरेका थिए ।
विगतमा पनि उपभोक्ता समितिहरूले गरेका विकास निर्माण योजनाका कार्य गर्दा भुक्तानी लिन पनि बाँकी रहेकोले त्यसको पनि भुक्तानी निकासाका लागि गाउँपालिकाका प्रतिनिधि तथा सम्बन्धित शाखाका कर्मचारीहरूसँग अनुरोध गरेका छन् ।
