इनरुवा । पूर्व सञ्चार तथा सूचना प्रविधि मन्त्री ज्ञानेन्द्रबहादुर कार्कीले प्रदेश प्रहरी अस्पताल यस क्षेत्रका लागि उपयुक्त भएको बताउनुभएको छ ।
सुनसरी सदरमुकाम इनरुवामा स्थित जिल्ला समन्वय समितिको भवनमा निर्माण भएको प्रदेश प्रहरी अस्पतालको मङगलबार निरीक्षण गर्नुहुदै पूर्व मन्त्री कार्की सो कुरा बताउनुभएको हो । उहाँले यो अस्पताल यस क्षेत्रका लागि उपयुक्त भएकाले यहाँबाट सर्ने कुरामा कुनै सत्यता नभएको बताउनुभयो ।
यस अस्पताले इनरुवा सहित सबै क्षेत्रका जनतालाई स्वास्थ्य सेवामा सहजता प्रदना गर्नेमा आफू बिश्वस्त रहेको पूर्व मन्त्री कार्कीले बताउनुभयो । अस्पताल स्थापना भएपछि यस क्षेत्रका बिपन्न वर्गले सेवा पाउने भएकाले यसलाई कसरी अगाडि बढाउने दिशा तर्फ सबै एक ढिक्का भएर लाग्नुपर्नेमा उहाँले जोड दिनुभयो ।
प्रदेश प्रहरी अस्पताल इनरुवाका लागि सबै दृष्टिकोणले उपयुक्त रहेको उहाँको भनाई रहेको थियो । मोरङमा सुविधा सम्पन्न अस्पताल भएको र इनरुवामा अस्पताल अभावका कारणले बिरामीको समयमा उपचार नपाएर समस्याको समाना गर्दै आएको बेलामा प्रदेश प्रहरी अस्पतालले यस क्षेत्रको जनताको स्वास्थ्य सेवालाई सहज पार्नेमा आफू ढुक्क रहेको बताउनुभयो ।
फरक प्रसङगमा बोल्नुहुदै नेपाली काङग्रेसका केन्द्रिय सदस्य समेत रहनु भएका पूर्व मन्त्री कार्कीले राष्ट्रिय सभामा गठबन्धनका उमेदवारको बिजयी सुनिश्चित रहेको बताउनुभयो । उहाँले देश भरमा गठबन्धबाट उमेदवार बनाएका १९ वटै उमेदवारको जित सुनिश्चित भएको उहाँले दाबी गर्नुभयो ।
राप्रपाले एमालेसंग गठबन्धन गर्दैैमा गठबन्धनका उमेदवारलाई कुनै असर नपर्ने उहाँले ठोकुवा गर्नुभयो । कोसी प्रदेश सहित देशभरमा मतभारको हिसाबले गठबन्धनका उमेदवार अगाडि रहेकाले गठबन्धनका उमेदवारको बिजयी सुनिश्चित भएको दाबी गर्नुभयो । राप्रपा र एमाले गठबन्धनको बिषयमा नाम उल्लेख नगरेपनि नाङग्लो बजाएर हात्ति तर्साउने कामले गठबन्धन कदापि नडराउने उहाँले दाबी गर्नुभयो ।
निरीक्षण कार्यक्रममा नेपाली कांग्रेसका केन्द्रिय सदस्य राजीव कोइराला, जिल्ला समन्वय समिति महासंघका केन्द्रिय सभापति राजन मेहता, प्रदेशसभा सदस्य इस्राईल मन्सुरी, इनरुवा नगरपालिकाका प्रमुख केदार भण्डारी, सुनसरीका प्रमुख जिल्ला अधिकारी जयनारायण आचार्य, सुनसरीका प्रहरी प्रमुख विपिन रेग्मी लगायतको सहभागिता रहेको थियो ।
