इनरुवा । नेपाली काङग्रेस सुनसरीले सोमबार १ सय २४ वटै वडामा प्रतिनीधि खटाइएको छ ।
नेपाली काङग्रेस सुनसरीको सम्पन्न बैठकले जिल्लाको १ सय २४ वटै वडामा प्रतिनीधि खटाइएको छ । पार्टीको केन्द्रिय परिपत्र अनुसार समुदायमा काङग्रेस अभियान कार्यक्रमका लागि जिल्लाको सबै वडामा प्रतिनीधि खटाइएको पार्टीका जिल्ला प्रवक्ता बिरेन्द्रकुमार साहले जानकारी दिनुभयो ।
केन्द्रिय कार्य समितिले जिल्लामा पठाइएको केन्द्रिय प्रतिनीधि प्रदिपकुमार सुनवार सहितको उपस्थितिमा भएको छलफल कार्यक्रमबाट सबै वडाका लागि प्रतिनीधि खटाइएको उहाँले जानकारी दिनुभयो ।
वडामा गएको प्रतिनीधिले वडा तहमा रहेको जनताको समस्या, समाधानका उपाय, पार्टीबाट निर्वाचित भएका जनप्रतिनीधि र पार्टीका कार्यकर्ता बीचमा रहेका मतभेद, कृषि, शिक्षा, स्वास्थ्य, सिचाई लगायतका समस्या समाधानका लागि पहल गर्ने पार्टीका जिल्ला प्रवक्ता साहले जानकारी दिनुभयो । समुदायमा काङग्रेस अभियान सुनसरीमा माघ १६ गते मङगलबारबाट सुरु भइ २६ गते समापन हुने पार्टीले जनाएको छ ।
कार्यक्रम पार्टीका जिल्ला सभापति केदार भण्डारीको अध्यक्षतामा सम्पन्न भएको थियो । कार्यक्रममा केन्द्रिय प्रतिनीधि सुनवार सहित पार्टीका नगेशचन्द्र राई, पंकज महतो, संजय श्रेष्ठ, सिताराम मेहता, राजन मेहता, सुदिप अधिकारी, युवराज दाहाल, बिभिन्न पालीकाका सभापति लगायतको सहभागीता रहेको थियो ।
