इनरुवा । सुनसरी सदरमुकाम समेत रहेको इनरुवा नगरपालिकाले नगर क्षेत्र भित्रमा रहेका टोल विकास समितिलाई सक्रिय बनाउने भएको छ ।
आज बसेको नगर कार्यपालिकाको बैठकले नगर क्षेत्रको १० वटै वडामा रहेका टोल विकास समितिलाई सक्रिय बनाउने निर्णय गरेको इनरुवा नगरपालिकाका प्रमुख केदार भण्डारीले जानकारी दिनुभयो ।
टोल विकास समितिको फाल्गुन मसान्त सम्ममा गठन÷पुर्नगठन गरेर टोल विकास समितिलाई सक्रिय बनाउने निर्णय गरेको प्रमुख भण्डारीले बताउनुभयो । त्यसैगरी कार्य पालिका बैठकले नगर क्षेत्र भित्रका १० वटै वडामा जनतासंग जनप्रतिनीधि कार्यक्रम सञ्चालन गर्ने निर्णय गरेको उहाँले बताउनुभयो ।
नगरपालिका प्रति जनताको गुनासो, समस्या सम्बोधन गर्ने गरी नगर क्षेत्र भित्रका १० वटै वडामा जनतासंग जनप्रतिनीधि कार्यक्रम सञ्चालन गर्ने निर्णय गरेको इनरुवा नगरपालिकाका प्रमुख भण्डारीले जानकारी दिनुभयो ।
