इनरुवा । इनरुवा जेसीजको आयोजनामा आज इनरुवाको लोकतान्त्रिक चौकमा दीप प्रज्वलन गरेको छ । आज शहीद दिवसको अवसर पारेर इनरुवा जेसीजले शहीदहरुको सम्झनामा इनरुवा–१ स्थित लोकतान्त्रिक चौकमा दीप प्रज्वलन गरेको हो ।
इनरुवा नगरपालिकाकी उपप्रमुख बिनिता मेहताले शहीदहरुको योगदानले राणाशासनको अन्त्य भएको हुदाँ उहाँहरुको सम्झानामा दीप प्रज्वलनले मुलुकबासीमा नयाँ सन्देश दिएको बताउनुभयो । उपप्रमुख मेहताले माघ १६ गते प्रत्येक वर्ष शहीदहरुलाई सम्झिन कुनै कन्जुस्याई नगर्न पनि सबैलाई अनुरोध गर्नुभयो ।
उधोग वाणिज्य संघ इनरुवाका अध्यक्ष बीरेन्द्र कुमार शाहले शहीदहरुको सम्झानमा इनरुवामा दीप प्रज्वलन गरिएको बताउनुभयो । बीर नेपाली शहीदहरुको योगदानको कदर गर्दै उनीहरुले मुलुकका लागि गरेको बलिदानीको सदैव अनुकरण गर्दै नयाँ युवा पुस्ताले पाठ सिक्नुपर्ने बताउनुभयो ।
इनरुवा जेसीज वर्ष २०२४ का अध्यक्ष बिकेश मेहताको अध्यक्षतामा दीप प्रज्वलन कार्यक्रम सम्पन्न भएको थियो । कार्यक्रमलाई समापन गर्नुहुँदै अध्यक्ष मेहताले इनरुवा जेसीजको पदभार सम्हालेको केही दिनमै जेसीजले कार्यक्रमहरु सञ्चालन गरेको बताउनुभयो ।
इनरुवा जेसीजको हरेक क्रियाकलापमा सहभागिता हुने उहाँले विश्वास गर्नुभयो । वर्ष २०२४ का लागि जिम्मेवारी आफूले पाएको हुदाँ इनरुवा जेसीजलाई चलायमान बनाउने गरी काम गर्ने अध्यक्ष मेहताले प्रतिवद्धता व्यक्त गर्दै जोश जागरका साथ युवाहरुलाई परिचालन गरी नयाँ शिराबाट अगाडी बढने बताउनुभयो ।
सामाजिक क्रियाकलापसँगै इनरुवा जेसीजको संलग्नता रहने र सामाजिक उत्तरदायित्व बोध हुने गरी विधिको शासनलाई पालना गर्दै विगतका दिनहरुमा भएका कमिकमजोरीहरुलाई सच्याउँदै नयाँ ढंगबाट सबैको शिर उच्च पार्ने गरी काम गर्ने अठोट लिएको उहाँले जानकारी दिनुभयो ।
कार्यक्रममा नेपाली कांग्रेसका युवा नेताहरु योगेन्द्र मेहता, अबुल हुसेन, निखिल पोखरेल, रमेश कटवाल, सत्य नारायण यादव, इनरुवा जेसीजका पूर्व अध्यक्ष चिनेश्वर मेहता सहितको इनरुवा जेसीजका पदाधिकारीहरुको उपस्थिति रहेको थियो ।
