इनरुवा । भारतको सुपौल जिल्ला स्थित बिरपुरमा नेपाल भारतको सुरक्षा अधिकारीको बैठक बिहिबार सम्पन्न भएको छ ।
सीमा क्षेत्रमा देखिएको समस्या, चोरी तस्करी नियन्त्रण, अपराध, लागुऔषधको कारोवार नियन्त्रण, कोसी बान्ध, बिभिन्न अपराधिक गतिविधि नियन्त्रण लगायतको बिषयमा छलफल भएको सुनसरीका प्रहरी उपरीक्षक बिपिन रेग्मीले जानकारी दिनुभयो ।
पछिल्लो समय नेपाल भारतको सीमाको प्रयोग भएर गाँजा तस्करी बढ्दो क्रममा रहेका कारणले यसलाई नियन्त्रण गर्नका लागि खेल्नुपर्ने भुमिका, भारतमा हुन लागेको निर्वाचनमा सीमा क्षेत्रमा अपनाउनुपर्ने सुरक्षा सावधानी लगायतका बिषयमा छलफल भएको प्रहरी प्रमुख रेग्मीले जानकारी दिनुभयो ।
कार्यक्रममा सुनसरीका प्रमुख जिल्ला अधिकारी जयनारायण अर्चायले कार्यपत्र प्रस्तुत गर्नुभएको थियो । कार्यक्रममा भारत र नेपालका सीमासंग जोडिएर रहेका सुरक्षा अधिकारीको सहभागीता रहेको थियो ।
