इनरुवा । सुनसरीको इनरुवा नगरपालिकाले एकै पटक १६ वटा शिर्षकमा टेण्डर आह्वान गरेको छ । इनरुवा नगरपालिका क्षेत्र भित्रमा १० वटै वडाको बिभिन्न पूर्वाधार निर्माणको कार्य तर्फ १६ वटा टेण्डर आह्वान गरेको छ ।
नगरपालिकाले इनरुवा ९ बबियामा रहेको सरस्वति माविको भौतिक पुर्वाधार (अधुरोध भवन निर्माण गर्ने कार्य), इनरुवा २ रामबहादुर बस्नेत घरको दक्षिण देखि सत्यनारायण यादवको घर सम्म नाला सहित बाटो स्तर उन्नति गर्ने कार्य, इनरुवा १ मा रहेको राष्ट्रिय बाणिज्य बंैक अगाडिको बाटोमा टाइल लगाउने कार्य, इनरुवा २ मा महानन्द मेहताको घर देखि उत्तरको बाटोमा पक्की नाला तथा पक्की सडक निर्माण गर्ने कार्य, इनरुवा २ मा अधुरो शहरी स्वास्थ्य केन्द्र भवन तथा कम्पाउण्ड वाल निर्माण गर्ने कार्यको टेण्डर आह्वान गरेको छ ।
त्यसैगरी इनरुवा १ मा परियार टोलको बाटोमा टाइल लगाउने कार्य, इनरुवा १ नम्वर वडा कार्यालय देखि पूर्वबाट गौतम झाको घर देखि पश्चिम जाने बाटोमा पक्की नाला तथा ग्राइभेल गर्ने कार्य, इनरुवा ३ नम्वर वडा कार्यालय भवन माथिलो तल्ला थप गर्ने कार्य, नगर क्षेत्र भित्र रहेका विद्यालयका लागि डेक्सबेञ्च सेट खरिद गर्ने कार्य, इनरुवा ४ मा रन्धीर चौधरीको घर जाने सडक आरसीसी सडक निर्माण गर्ने कार्यको इनरुवा नगरपालिकाले टेण्डर आह्वान गरेको जनाएको छ ।
यसैगरी इनरुवा ४ मा जेष्ठ नागरिकको भवन निर्माण, इनरुवा २ मा अधुरो कुशवहा समाजको भवन निर्माण गर्ने कार्य, इनरुवा ५ मा मण्डल टोलको नाला निर्माण गर्ने कार्य, इनरुवा ५ मा आदर्श टोल भरत दाहालको घर देखि दक्षिण जाने सडक र हरि चौधरीको घर देखि उत्तर जाने सडक साइड वाल तथा कार्यालय सडक निर्माण गर्ने कार्य, इनरुवा ३ नम्वर वडा कार्यालयमा कम्पाउण्ड वाल तथा डेङ्ग निर्माण गर्ने कार्य र इनरुवा २ मा महानन्द मेहताको घर देखि पूर्व सरोज मिश्राको घर जाने सडक निर्माण गर्ने कार्यका लागि नगरपालिकाले टेण्डर आह्वान गरेको इनरुवा नगरपालिकाका प्रमुख केदार भण्डारीले बताउनुभयो ।
इनरुवा नगरपालिकाले विकास निर्माणको कार्य नगरेको भनी हल्ला गर्नेलाई र बिकास निर्माणको कार्य गर्नका लागि एकै पटक १६ वटा योजनाको बिषयमा टेण्डर आह्वान गरेको इनरुवा नगरपालिकाका प्रमुख भण्डारीले बताउनुभयो । नगर क्षेत्रमा जनताको अपेक्षा र अकांक्षा धेरै भएको र बजेट समिति भएका कारणले सोचे अनुसारको विकास निर्माणको कार्य गर्नका लागि नसकेपनि क्रमिक रुपमा नगर क्षेत्रमा रहेको समस्यालाई सधान गर्दै अगाडि बढेको नगर प्रमुख भण्डारीले बताउनुभयो ।
