इनरुवा । रंगहरुको पर्व होलिको अवसर पारेर सन्तावन्न युवा क्लब (५७ टोली) को आयोजनामा होलि हंगामा कार्यक्रम गर्ने भएको छ ।
आगामी चैत्र १२ गते सोमवारका दिन इनरुवा–१ स्थित दुहबी स्टेण्डमा बिहान ११ः३० बजेदेखि होलि हंगामा कार्यक्रम सुरु गरिने ५७ युवा क्लबका अध्यक्ष सत्य नारायण यादव उर्फ सत्याले जानकारी दिनुभयो ।
सन्तावन्न युवा क्लबको आयोजना र गोल्डेन ओकेको सहयोगमा होलि पर्वको अवसरमा होलि हंगामा कार्यक्रम गर्न लागिएको हो ।
फागु पुर्णिमा अर्थात रंगहरुको पर्व होलिका दिन तोकिएको समयमा कार्यक्रम स्थलमा उपस्थित भई कार्यक्रमलाई सफल बनाईदिन इनरुवाबासीलाई आयोजकले आग्रह गरेको छ ।
होलि पर्वले आपसी भाइचारा, बन्धुत्व, सदभाव, धार्मिक सहिष्णुता कायम हुने उद्देश्यले ५७ युवा क्लबले होलि हंगामा कार्यक्रमको आयोजना गरिएको अध्यक्ष यादवले बताउनुभयो ।
सो दिन कुनै गलत क्रियाकलाप नगरिकन शान्त वातावरणमा होलि हंगामा कार्यक्रम मनाउन पनि उहाँले अनुरोध गर्नुभयो । कार्यक्रमका दिन एक आपसमा खुशी साटासाट गर्ने, मनोरञ्जन गर्ने, जोगिरा सरर गीत गाउनेसहित खानपानको व्यवस्था गरिएको आयोजकले जनाएको छ ।
