इनरुवा । सुनसरी सदरमुकाम इनरुवा ९ बबियाबाट दिउँसो गोली प्रहार गरी ५ लाख रुपैयाँभन्दा बढी रकम लुटपाट गर्ने दुई जनालाई पक्राउ गरेर सोमबार सार्वजनीक गरेको छ ।
पक्राउ पर्नेमा सप्तरी हनुमान कंकालिनी–३ का २९ वर्षीय इब्रान मन्सुरी मियाँ र भोक्राहा नरसिंह–४ का ३६ वर्षीय उमेश मुखिया रहेको सुनसरीका प्रहरी नायव उपरीक्षक नविनकृष्ण भण्डारीले जानकारी दिनुभयो ।
जिल्ला प्रहरी कार्यालय सुनसरीले पक्राउ परेका दुवै जनलाई सोमबार पत्रकार सम्मेलनको आयोजना गरेर सार्वजनीक गरेको हो ।
पक्राउ परेकाको साथबाट प्रहरीले लुटपाटमा प्रयोग भएको एउटा मोटरसाइकल र नगद १ लाख २ हजार रुपैयाँ समेत बराबद गरेको प्रहरी नायव उपरीक्षक भण्डारीले बताउनुभयो ।
गत बुधबार दिउँसो इनरुवा–९ स्थित नहरको डिलमा सुनसरी हरिनगर–२ का ६१ वर्षीय साहिरा मियाँ र उनकी नाती आसिफ अन्सारी माथि गोली प्रहार गरी ५ लाख ३५ हजार रुपैयाँ लुटपाट गरेका थिए ।
जग्गा बिक्री गरेर ५ लाख ३५ हजार रुपैयाँ लिएर घर फर्किरहेका बेला साथबाट लुटिएको १ लाख २ हजार रुपैयाँ मात्र बरामद भएको जिल्ला प्रहरी कार्यलयका प्रहरी नायब उपरिक्षक भण्डारीले जानकारी दिनुभयो ।
लुटपाटमा संलग्न अन्य एक जनाको पहिचान भइसकेको र बाँकी रकम समेत चाँडै बरामद गरिने भण्डारीले जानकारी दिनुभयो ।
पक्राउ परेकालाई अदालतबाट ६ दिनको म्याद थप गरी अनुसन्धान भइरहेको प्रहरीले जनाएको छ । घटनामा सलग्न एक जनाको खोजी कार्य भइरहेको र चाडै कानुनी दायरामा ल्याउने प्रहरी नायव उपरीक्षक भण्डारीले जानकारी दिनुभयो ।
