हरिनगर । सुनसरीकाे हरिनगर गाउँपालिका-४ स्थित भुटाहा-घुस्की सडकबाट प्रहरीले अवैध लागुऔषध २ सय २० किलो गाँजासहित स्कार्पियो बरामद गरेको छ ।
बिहीबार राति १० बजेकाे समयमा हरिनगर गाउँपालिका वडा नम्बर-४ स्थित भुटाहा-घुस्की सडक खण्डबाट स्कार्पियोसहित २ सय २० किलो गाँजा प्रहरीले बरामद गरेको हो ।
भुटाहाबाट सशस्त्र प्रहरी बल र नेपाल प्रहरीकाे संयुक्त खटिएको प्रहरी टाेलीलाई देख्नासाथ दुई चार सय मिटर अगाडि नै गाडी राेकेर चालक र तस्कर फरार भएको थियाे ।
भुटाहाबाट घुस्कीतर्फ जाँदै गरेको बीआर ११ टी १६०० नम्बरको भारती स्कार्पियोमा लुकाएर लैजाँदै गरेको लागूऔषध गाँजा र गाडी छोडेर फरार भएपछि प्रहरीले गाडी चेकजाच गर्ने क्रममा गाँजा बरामद भएको सशस्त्र प्रहरी बल भुटाहाले जनाएका छन् ।
बरामद गरिएको गाडी र गाँजा राति नै जिल्ला प्रहरी कार्यालय सुनसरीलाई जिम्मा लगाएको सशस्त्र प्रहरी बल भुटाहाले बताएका छन् ।
साथै फरार रहेका गाडी चालक र तस्करहरुको खोजी भइरहेको प्रहरीले जनाएको छ ।
