इनरुवा । सुनसरीको बराहक्षेत्र नगरपालिका १२ लक्ष्मीपुर स्थित भित्री सडकमा गएराति ट्रकले साइकललाई ठक्कर दिदा एकको मृत्यु भएको छ ।
मृत्यु हुनेमा साइकल पछाडी सवार उदयपुर बेल्का नगरपालिका १ का ८० बर्षीया लक्ष्मीदेवी चौधरी रहेको सुनसरीका प्रहरी नायव उपरीक्षक नविनकृष्ण भण्डारीले जानकारी दिनुभयो ।
मदनभण्डारी लोकमार्गमा उदयपुरबाट कालाबञ्जार तर्फ आउँदै गरेको प्र १०२००१ख ९१०४ नम्वरको ट्रकले सोही दिशातर्फ जाँदै गरेको साईकलयात्रीलाई ठक्कर दिदा गुञ्जा चौधरी र लक्ष्मी देवी चौधरी घाइते भएकोमा साइकल पछाडी सवार लक्ष्मीदेवी चौधरीको उपचारको क्रममा मृत्यु भएको प्रहरी नायव उपरीक्षक भण्डारीले जानकारी दिनुभयो ।
साईकललाई ठक्कर दिने ट्रक र चालक मोरङ कानेपोखरी गाउपालिका ५ का ३० बर्षिय बिरबहादुर घिसिङ प्रहरीको नियन्त्रणमा रहेको छ । घटनाको बिषयमा अनुशन्धान भइरहेको सुनसरी प्रहरीले जनाएको छ ।
