अजितकुमार झा
इनरुवा। लिखित कसुर गरेको आरोपमा पक्राउ परेका सुनसरीको देवानगञ्ज–७ का वडा अध्यक्ष सुर्यनारायण यादबलाई बिहिबार सार्वजनीक गरेको छ ।
लिखित कसुर गरेको अधारमा वडा अध्यक्ष यादवलाई जिल्ला प्रहरी कार्यालय सुनसरीबाट खटिएको प्रहरी टोलीले बुधबार साँझ नियन्त्रणमा लिएर बिहिबार सार्वजनीक गरेको सुनसरीका प्रहरी नायव उपरीक्षक नविनकृष्ण भण्डारीले जानकारी दिनुभयो ।
स्थानीय सिताराम यादवले आफ्नै छोरा राम यादवको २०६५ साल जेठ १५ गते मृत्यु भएको भनी तत्कालीन गाविसको कार्यालयमा गएर झुट्टो विवरण पेस गरेका थिए । त्यसबेला गाविसको कार्यालयका कर्मचारीले मृत्यु दर्ता प्रमाण पत्र बनाएर जिल्ला अदालत सुनसरीमा निवेदन साथ लगत कट्टाका लागि मृत्यु दर्ता प्रमाण पत्र समेत पेस गरेका थिए ।
देवानगञ्ज–७ नम्वर वडा कार्यालय, सुनसरीमा राष्ट्रिय परिचयपत्र तथा पञ्जीकरण ऐन सम्बन्धी कसूरमा सर्जमिन हुँदा वडाध्यक्ष सूर्यनारायण यादव समेतका व्यक्तिले सितारामको छोरा राम यादवको मृत्यु भई सकेको सर्जमिन गरेका थिए ।
राम यादवको मृत्यु भएको भनेर अदालतबाट तोकिएको १०(दश) वर्षको कैदको लगत कट्टा गराउने चेष्टा गरेको सुनसरीका प्रहरी नायव उपरीक्षक भण्डारीले जानकारी दिनुभयो ।
राम भन्ने रमानन्द यादव जवरजस्ती करणी र डाँका मुद्दामा पक्राउ परेर कारागारमा कैद भुक्तान गरिरहेका थिए । जिल्ला अदालत सुनसरीले राम भने रमानन्द यादवलाई २०७९ असार २९ गते १० वर्ष कैद हुने ठहर गरेको थियो ।
उहाँको विरुद्धमा २०६५ सालमै अदालतमा मुद्दा दर्ता भएको थियो । सितारामले गरेको लिखत सम्बन्धी कसूरमा कारबाही गरी पाउँ भनी भोलानन्द यादवको जाहेरी परेको सुनसरी प्रहरीले जनाएको छ ।
प्रहरीमा उजुरी परोको अधारमा अनुशन्धान गर्ने क्रममा राम भन्ने रामानन्द मेहताको सनाखत गराउँदा सिताराम यादवकै छोरा भएको प्रमाणित भएको थियो ।
सितारामका तीन जना छोरा छन् । जेठो छोरा राम यादव, माईलो महानन्द यादव र कान्छो बेदानन्द यादव हुन् । राम यादवको वास्तविक नामथर रामानन्द यादव नै रहेको प्रमाणित भएपछि सरकारी काजगात किर्ते गरेको थाहा भएको थियो ।
वडाध्यक्ष यादव जनता समाजवादी पार्टी, नेपालबाट निर्वाचित भएका थिए । यसैबीच वडा अध्यक्षलाई पक्राउ गरेपछि देवानगञ्ज गाउँपालिकामा जसपाबाट निर्वाचित भएका जनप्रतिनीधि सक्रिय भएका छन् ।
देवानगन्ज–३ का वडा अध्यक्ष अनिल भगत, ४ का सुशिल मेहता, ६ का हरिनन्दन मेहता लगायतकाले पक्राउ परेका वडा अध्यक्षलाई निर्दोष देखाउनका लागि सक्रिय भएका हुन् ।
वडा अध्यक्षले सामुहिक रुपमा पक्राउ परेका वडाअध्यक्षको बचाउ र निर्दोष रहेको बिषयमा जानकारी दिने उदेश्यले पत्रकार सम्मेलन आयोजना गर्ने भनि बोलाएको र आफू पनि पक्राउ पर्नेकी डरका कारणले कुनै वडा अध्यक्ष केही नबोली संचारकर्मीलाई पठाएको कार्यक्रममा सहभागी सञ्चारकर्मीले बताएका छन् ।
वडामा मृत्यु दर्ता, जन्मदर्ता, बिबाह दर्ता लगायतको कार्य गर्नका लागि वडा सचिबलाई जिम्मेवारी दिएको हुन्छ । वडा सचिबले यो कार्य नगर्नका लागि वडा अध्यक्ष सुर्यनारायण यादबलाई पटक–पटक अग्रह गर्दा समेत नमानेका थिए ।
वडा अध्यक्षले लिखित गर्ने भएपछि वडा सचिब आफु साईड लागेका थिए । पक्राउ परेका वडा अध्यक्ष यादवको बिषयमा थप अनुशन्धान भइरहेको सुनसरीका प्रहरी प्रमुख बिपिन रेग्मीले जानकारी दिनुभयो ।
