इनरुवा। सुनसरीका कालाकार तथा साहित्यकार झोटन मेहताको रचनामा ‘मिथिलाके बेटी’ भाग २ गीतको शुक्रबार विमोचन गरिएको छ ।
सुनसरी सदरमुकाम इनरुवामा एक कार्यक्रमको आयोजना गरेर मिथिलाके बेटी भाग २ को बिमोचन गरिएको हो ।
इनरुवा ५ का वडा अध्यक्ष अनिल पोखरेल र अपन स्वर्ग नेपाल कला संस्कृतिका अध्यक्ष झोटन मेहता सहितका अन्य अतिथि तथा कालाकारले संयुक्त रुपमा मिथिलाके बेटी भाग २ को बिमोचन गरेको आयोजकले जनाएको छ ।
‘मिथिलाके बेटी’ भाग २ मैथली तथा मधेसी समुदायको जनजीविका र छोरी चेलीले सामना गर्नुपरेको पीडालाई चित्रित गर्दै मैथली भाषामा भिडियो म्युजिक निर्माण गरिएको झोटन मेहताले जानकारी दिनुभयो ।
दाइजो प्रथाका कारणले मिथला क्षेत्रका छोरी चेली माथि हुने अन्याय, अत्याचार, बुबालाई हुने समस्या लगायतका बिषयलाई चित्रण गर्दै मिथिलाके बेटी भाग २ म्युजिक भिडियो निर्माण गरिएको कालाकार झोटन मेहताले जानकारी दिनुभयो ।
कार्यक्रममा राष्ट्रिय समाचार समिति इनरुवा सुनसरी समाचारदाता अजितकुमार झा, गोरखापत्रका जयकृष्ण यादव र सत्यसंसारका देवराज यादवलाई दौसल्ला र सम्मानपत्र सहित सम्मान गरेको आयोजक संस्थाका अध्यक्ष तथा कालाकार मेहताले जानकारी दिनुभयो ।
त्यसैगरी कालाकार रञ्जीत गुप्ता, राधा चौधरी, रबिना बिश्वकर्मा, गायक बिरेन्द्र झा सहित १२ जनालाई सम्मान गरिएको आयोजक संस्थाका बरिष्ट सल्लाहकार एस एन मेहताले जानकारी दिनुभयो ।
गीतमा सङगीत हरुन रसिदले दिनुभएको छ भने गायक बिरेद्र झा र माला राजबंसी रहनुभएको छ । त्यसैगरी सोही गीतमा रबिना बि.क., विजय माली, रन्जित गुप्ता, अनिता मेहता, राज सिंह, पवन भौर, राधा चौधरी लगायतकाले अभिनय गर्नुभएको छ ।
