इनरुवा । लगाताको बर्षासंगै आएको बाढीका कारणले सुनसरीको भोक्राहा नरसिंह गाउँपालिका ५ मा रहेको न्यु शुभ भेनियर उद्योगमा १५ लाख बरावरको क्षति भएको छ ।
शनिबार बर्षासंगै आएको बाढीको पानीले उद्योगको सम्पूर्ण बिद्युतीय उपकरण डुवानमा पर्दा ठुलो क्षति भएको उद्योगका सञ्चालक सुरेश साहले जानकारी दिनुभयो ।
बाढीका कारणले उद्योगमा रहेको सम्पूर्ण सुख्खा प्लाईका पत्ता, काठ र दाउँरा समेत डुवानमा पर्दा १५ लाख भन्दा बढीको क्षति भएको साहले जानकारी दिनुभयो ।
बाढीका कारणले उद्योगमा प्लाईको पत्ता निर्माणका लागि ल्याइएको करिव ५ लाख देखि ६ लाखको काठ बगेर गएको र ९ लाख बरावरको प्लाईका पत्ता र दाउँरा भिजेका कारणले करिव १५ लाखको क्षति भएको उद्योगका सञ्चालक साहले जनाएको छ ।
उद्योगमा साह सहित २ जनाको संयुक्त लगानीमा सञ्चालन भईरहेको छ ।
