सुनसरी । पुर्व मन्त्री तथा निर्वतमान प्रतिनिधिसभा सदस्य भगवती चौधरीले शिक्षामा पहुँच र गुणस्तर अभिवृद्धिका लागि स्थानीय स्तरबाट भइरहेको पहलहरू अत्यन्तै प्रशंसनीययोग्य रहेको बताउनुभएको छ ।
दुहबी वडा नं. ९ स्थित श्री पशुपति आधारभूत विद्यालय, बाल्कुण्डमा अध्ययनरत विद्यार्थीहरूलाई शैक्षिक सामग्री हस्तान्तरण कार्यक्रमलाई सम्बोधन गर्नुहुँदै पुर्वमन्त्री चौधरीले बालबालिकाको उज्ज्वल भविष्य निर्माणमा शिक्षा नै मूल आधार भएकाले सरकार, जनप्रतिनिधि र सामाजिक संस्थाहरूको सहकार्यबाट मात्र समावेशी, समान र गुणस्तरीय शिक्षा सुनिश्चित गर्न सकिने धारणा व्यक्त गर्नुभयो ।
शिक्षामा लगानी भनेको राष्ट्रको भविष्यमा लगानी हो,उहाँले भन्नुभयो,`यस यात्रामा हामी सबैको साझा दायित्व र प्रतिबद्धता आवश्यक छ।´
सुनसरीको दुहबी–२, स्थित ग्रामीण महिला उत्सुकता विकास मञ्च (फरवार्ड) को आयोजना र होप फर चिल्ड्रेनको सहयोगमा शैक्षिक सामग्री हस्तान्तरण कार्यक्रम सम्पन्न भएको छ ।
उहाँले यस अभियानमा समर्पित ग्रामीण महिला उत्सुकता विकास मञ्च (फरवार्ड) परिवारलाई हार्दिक धन्यवाद तथा शुभकामना व्यक्त गर्नुभयो ।
