झुम्का । सुनसरीको रामधुनी नगरपालिकामा प्रथम चौमासिक सार्वजनिक सुनवाई कार्यक्रम सम्पन्न भएको छ ।
रामधुनी नगरपालिकाले चालु आर्थिक वर्षमा सञ्चालन गरेका योजना तथा सम्पन्न गरेका कार्यक्रमहरुको आय ब्यय विवरण सार्वजनिक गर्दै सार्वजनिक सुनवाई कार्यक्रम सम्पन्न गरेको हो ।
झुम्का एफएमको सहजीकरणमा नगरपालिकाको सबै विषयगत शाखा र उपशाखाले सञ्चालन गरेको योजना तथा कार्यक्रम तथा सम्पन्न गरेका आय ब्ययको विवरण प्रस्तुत गरी सार्वजनि सुनवाई कार्यक्रम सम्पन्न गरेको पालिकाका प्रमुख प्रशासकीय अधिकृत ओमकार न्यौपानेले जानकारी दिए ।
न्यौपानेका अनुसार चालु आर्थिक वर्षमा पहिलो चौमासिक सम्मको क्षेत्रगत विकासको समिक्षात्मक प्रतिवेदन प्रस्तुत गरिएको छ । सो प्रतिवेदन अनुसार चालुतर्फ २६ दशमलव शून्य नौ प्रतिशत र पुँजीगत तर्फ १० दशमलव १६ प्रतिशत खर्च गरिएको छ ।
नगरपालिकाको आर्थिक विकास तर्फ उधम विकासमा सातवटा योजनाहरु रहेकोमा तीनवटा क्रमागत रुपमा रहेको एउटा पाइपलाइनमा रहेको र तीनवटा सुरु हुन बाँकी रहेको छ । यस योजना अन्र्तगत बिनियोजित बजेट ३६ लाख ५९ हजार चार रुपैयाँ रहेकोमा हालसम्म दुई लाख २० हजार पाँचसय २० रुपैयाँ खर्च भई सात दशमलव १६ प्रतिशत प्रगति भएको छ ।
त्यसैगरी कृषि विकासतर्फ ६४ वटा योजना रहेकोमा १५ वटा सम्पन्न गरेको, पाँच वटा क्रमागत रुपमा रहेको, दुईवटा पाइप लाइनमा रहेको र ४२ वटा सुरु हुन बाँकी रहेको छ । यो कार्यक्रम अन्र्तगत कुल एक करोड ६२ लाख ७१ हजार रुपैयाँ बजेट बिनियोजन भएकोमा २२ लाख ४४ हजार आठसय रुपैयाँ खर्च भई १३ दशमलव ८० प्रतिशत प्रगति हासिल गरेको छ । जलस्रोत तथा सिचाई तर्फ ४ वटा योजना रहेकोमा चारवटै बाँकी रहेको छ ।
त्यसैगरी पर्यटनतर्फ २५ वटा योजना रहेकोमा चारवटा क्रमागत , एउटा पाइपलाइनमा र २२ वटा सुरु हुन बाँकी रहेको छ । यो शिर्षकतर्फ एक करोड ११ लाख ६० हजार बजेट बिनियोजन भएकोमा तीन लाख नौ हजार एकसय १५ रुपैयाँमात्रै खर्च गरी दुई दशमलव ७१ प्रतिशत प्रगति गरेको छ ।
त्यस्तै पशुपंक्षी विकासतर्फ १६ वटा योजना रहेकोमा पाँचवटा सम्पन्न गरेको, चारवटा क्रमागत योजनामा रहेको, एउटा पाइपलाइनमा रहेको र ६ वटा सुरु हुन बाँकी रहेको छ । यसमा आर्थिक विकासतर्फ सबैभन्दा बढी प्रगति ४९ दशमलव ४८ प्रतिशत रहेको छ । यसमा बिनियोजित २८ लाख ९० हजार बजेट मध्ये १४ लाख ३० हजार ३४ रुपैयाँ २९ पैसा खर्च भएको छ ।
सहकारीको लागि दुईवटा योजना रहेकोमा दुवै सुरु हुनबाँकी रहेको र त्यसका लागि दुई लाख रुपैयाँ बिनियोजन भएको सार्वजनिक सुनवाई कार्यक्रममा पालिकाका प्रमुख जयप्रकाश चौधरीले जानकारी दिए ।
नगर प्रमुख चौधरीका अनुसार आर्थिक विकासतर्फ कुल एक सय १८ वटा योजना रहेकोमा २० वट सम्पन्न भएको , १६ वट क्रमागत रुपमा रहेको, पाँचवटा पाइपलाईनमा रहेको, ७७ वटा सुरु हुन बाँकी रहेको छ । यसमा बिनियोजित तीन करोड ४९ लाख, ९० हजार चार रुपैयाँ मध्ये ४२ लाख ३९ हजार तीन सय चार रुपैयाँ २९ पैसा खर्च भई १२ दशमलव १२ प्रतिशत प्रगति भएको छ ।
नगरपालिकाको समग्र योजना कार्यक्रम अन्र्तगत एक हजार दुई सय ६५ योजना रहेकोमा ७८ वटा योजना सम्पन्न भएको, एक सय ६१ वटा क्रमागत रुपमा रहेको, चार सय पाँच वटा पाइपलाइनमा रहेको र ६ सय ८३ वटा सम्झौता भई सुरु हुन बाँकी रहेको पालिकाले जनाएको छ ।
सार्वजनिक सुनवाई कार्यक्रममा प्रस्तुत गरिएको प्रतिवेदन अनुसार ६४ करोड २९ लाख, ४१ हजार नौ सय ३९ बिनियोजित बजेट मध्ये हालसम्म १३ करोड ७६ लाख ६८ हजार नौ सय ९५ रुपैयाँ ७४ पैसा खर्च भई २१ दशमलव ४१ प्रतिशत प्रगति हासिल गरेको छ ।
सम्पन्न कार्यक्रममा नगरपालिकाकी उपप्रमुख सबिना चौधरी, वडाध्यक्षहरु महेश चौधरी, डेगराज फूयाँल, धनश्याम चौधरी, मनेश कुमार चौधरी, हेमनारायण राजधामी, केशव गौतम, रामनारायण चौधरी, लगायतका जनप्रतिनिधिहरुले उठेका सवालको जवाफ दिएका थिए ।
सार्वजनिक सुनवाईमा नेपाली कांग्रेसका नगर सचिव दिलबहादुर राई, नेकपाका नगर सचिव उत्तम पौडेल, सभे द अर्थका अध्यक्ष पुष्प भट्टराई, पत्रकार जयकृष्ण यादव लगायतका सरोकारवालाहरुको उपस्थिती रहेको थियो ।
